Governu Australia hato'o sira-nia komitementu ne'e liu husi karta komunikadu ne'ebé tempotimor.com asesu, Tersa (24/03).

"Australia daudaun serbisu hodi asegura Timor-oan hotu mak partisipa iha Programa Traballu Sazonál no Eskema Traballu Pasífiku nian mak daudaun ne’e hela iha Austrália".

"Tuir seguransa saúde (asuransi kesehatan) kompulsória nian, traballadór sazonál no traballadór ba programa Eskema Traballadór Pasífiku sira hotu iha asesu ba tratamentu médiku ho kualidade di’ak hanesan mós ba sidadaun Austrálianu sira".

"Konsolamentu kona ba saúde no viajen nian relasiona ho Covid-19 agora dadaun transmite hela ba traballadór sazonál sira hotu liu husi sira-nia kompañia fatin ba sira hala’o serbisu ba," deklara governu Australia.

Australia mós promete atu kontinua apoia estudante Timor-oan ne’ebé hetan Bolsu Estudu husi Australia no daudaun ne’e hala’o estudu iha universidade sira iha Austrália.