Tempotimor (Dili) - Konseilu Ministru (KM) aprova ona rezolusaun hodi fó férias ba funsionáriu públiku ne'ebé la'ós servisu esensiál bele hela iha uma.
Ministru Reforma Lejizlativu Asuntu Parlamentár (MRLAP), Fidelis Manuel Magalhães hateten, rezolusaun ne'e atu fó férias ba funsionáriu públiku sira hela iha uma no halo servisu husi uma.
"Instrusaun ne'ebé Primeiru Ministru fó ona iha horibainrua relasaun ho funsionáriu públiku sira ne'e ohin tau hamutuk iha rezolusaun ida, no rezolusaun ne'e ohin aprovadu", tenik nia, hafoin reuniaun Konsellu Ministru, iha Sentru Konvensaun Dili (CCD), Kuarta (25/3).
Instrusaun Primeiru Ministru nian antes ne'e deliberasaun, maibé agora deside ona rezolusaun ida kona-ba atu haruka funsionáriu públiku sira ne'ebe la'ós servisu esensiál bele hela iha uma.
Aprovasaun rezolusaun ne'e atu fortifika deliberasaun ne'ebe hasai ona loron rua liubá. (*)