Xave atu Seguransa La Viola DU: Hakmatek iha Uma

Ministru Defeza no Ministru Seguransa interinu, Filomino de Jesus Paixao ko'alia ba midia hafoin partisipa iha aniversariu PNTL ba dala 20 iha Dili, (27/3) Ministru Defeza no Ministru Seguransa interinu, Filomino de Jesus Paixao ko'alia ba midia hafoin partisipa iha aniversariu PNTL ba dala 20 iha Dili, (27/3) Foto tempotimor.com

Tempotimor (Dili)-Xave prinsipal atu parte seguransa labele halo violasaun ba direitus umanus mak komunidade sira kumpre desizaun estadu emerjensia no hakmatek iha idaidak nia hela fatin.

Ministru Defeza no Seguransa no Ministru Interiór interinu Filomeno da Paixão de Jesus husu ba Timor-oan tomak iha teritoriu nasionál atu kumpri desizaun estadu emerjensia nune'e parte seguransa sira labele viola direitus umanus.

Tuir Paixão, fasil liu ba PNTL no F-FDTL atu la viola ema-nia direitu bainhira kada sidadaun hakruuk ba desizaun ne'ebé estadu foti ona.

"Fasil liu atu PNTL no F-FDTL labele viola komunidade nia direitu, importante mak sira kumpre, kuandu kumpre laiha ema ida mak bele book sira," dehan Ministru Filomeno iha Komandu Jerál PNTL Kaikoli, Sesta (27/03/2020).

Tan ne'e, nia afirma, di'ak liu sosiedade sira kumpre de'it saida mak estadu haruka.

"Di'ak liu mak kumpre, buat ida kumpre ne'e di'ak ba ita hotu, imi haree de'it mensajem Italia nian ne'e, tanba de'it lakohi kumpre ne'e mak virus ne'e daet to'o ema atu mate hotu, ne'ebé ita-nia foin ida ne'e di'ak liu ita kumpre," Ministru ne'e hus.

Iha fatin hanesan, Komandante Jerál PNTL Faustino da Costa afirma, atu labele iha violasaun direitus umanus, di'ak liu populasaun hotu hakmatek.

"Atu labele iha violasaun direirus umanus, husu par ida-idak hakmatek iha nia fatin, tanba moras ne'e mai la haree o riku ka ki'ak, boot ka kiik, tanba ne'e di'ak liu hakmatek iha uma hamutuk ho familia.

"Tanba moras ne'e mai mak hasees membru familia husi uma laran ne'e susar, se nia di'ak ita hasoru malu fali, maibé se la di'ak ita la hasoru malu tan," dehan Komisariu Faustino.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.