PM Taur dehan, nia simu informasaun kona-ba suspeitu Covid-19 iha Same, Munisipiu Manufahi, husi Vise Ministra Saude Elia.
"Konfuzaun kona-ba kazu suspeitu ba Covid-19 iha Same ne'e loloos mai husi señora Ministra Saúde (MS) ein ezersísiu Elia de Jesus, ne'ebé ha'u simu informasaun ne'e husi señora ministra," dehan PM Taur Matan Ruak iha Palásiu Prezidensiál bairro-pite, Sesta (27/03/2020).
Maske nune'e PM Taur esklarese, lia-fuan suspeitu ne'e signifika sei iha perguntas ba ema refere katak moras duni ka lae.
"Problema ne'e mak suspeitu. Suspeitu katak ema ne'e deskonfia, nia ne'e moras duni ka lae, entaun tau iha karantina, para teste katak laiha mak bele ba kontrola uma. Ne'ebé suspeitu ne'e, lia-fuan portugés katak deskonfia ema refere," dehan Taur.
