Eletrisidade no Bee-moos sei Gratuita Durante Estadu Emerjensia

Komunidade sira sosa pulsa eletrisidade iha fa'an fatin ida besik rotunda Delta, komoro (27/3) Komunidade sira sosa pulsa eletrisidade iha fa'an fatin ida besik rotunda Delta, komoro (27/3) foto tempotimor.com

Tempotimor (Dili)-Ministru Obras Públika (MOP) Salvador Pires hatete, governu sei fasilita eletrisidade no bee-moos gratuita ba sidadaun sira iha teritoriu nasionál durante periodu estadu emerjensia.

Ministru ne'e dehan, MOP propoin ona atu fó subsidiu gratuita, maibé daudauk ne'e sei iha hela faze diskusaun.

"Ami propoin atu subsidiu gratuita eletrisidade no bee-moos ba publiku, maibé agora ita sei haree lai nia mekanismu, tanba ne'e ami sei kontinua deskute iha semana oin mai par atu haree oinsa atu implementa ida ne'e," dehan Salvador hafoin reuniaun Konselu Ministru iha Sentru Konvensaun Dili, Sabadu (28/03).

Nia dehan, meius ida atu kombate Covid-19 mak tenke iha distansia sosial, tan ne'e governu mós presiza atu haree ba kestaun ida ne'e.

"Se ema kontinua ba forma hodi sosa pulsa eletrisidade ne'e la konsege atu prevene moras Covid-19," dehan nia.

Ministru ne'e afirma, governu sei kontinua diskuti mekanizmu subsidiu eletrisidade no bee-moos nune'e karik implementa tenke la'o hanesan ba ema hotu-hotu.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.