Estadu Emerjensia, Ema iha Mate-uma Masimu na'in 10

MRLAP Fidelis Magalhaes hatoo discursu MRLAP Fidelis Magalhaes hatoo discursu Foto geogle

Tempotimor (Dili)-Governu daudauk ne'e sei diskuti hela regras ba implementasaun estadu emerjensia. Maibé iha posibilidade atu bandu hotu atividade ne'ebé envolve ema barak, no bainhira membru familia ruma mate, ema ne'ebé asiste labele liu na'in 10.

Ministru Reforma Administrativu Asuntu Parlamentar, Fidelis Leite Magalhães liu husi ninia pajina facebook Fidelis Leite Magalhaes, fó iis balun kona-ba regras iha estadu emerjensia.

Liu husi ninia pajina facebook ne'e, Fidelis hatete iha estadu emerjensia atividade hirak ne'ebé envolve ema barak sei suspende hotu.

"Transporte público sira sei para lai. Jogos desportivos sira, festa sira, ransu grupo sira para lai. Mate uma sira mós máximo ema na'in 10 de'it," dehan Ministru Fidelis iha ninia pajina facebook, Sabadu (28/03).

Aleinde ne'e, Fidelis dehan, durante estadu emerjensia sei autoriza nafatin vendedór ambulante sira, loza no merkadu sira hodi faan nesesidade ne'ebé komunidade presiza, maibé tenke tau regra hanesan fase liman, distansia ho ema kada metru, labele tama ka hein nadodok no tenke uza maskara.

"Sei autoriza vendedor ambulante sira, loja no mercado sira fa’an necessidades moris atu loke, maibe tenke impõe regras hanesan fase liman, distância ho ema cada metro, labele tama ka hein nadodon, tenke tau mascara. Em jeral tenke assegura requisitos e preocupações hygiene nian," ministru ne'e hakerek.

Nia afirma, ema ne'ebé hakarak ba sosa sasan labele ba pasiar ka dada lia iha loza. Bainhira sosa sasan tenke fila kedan ba uma.

"Labele passear ba loja sira ka dada-lia iha loja sira. Hola tiha fila kedan ba uma. Labele ba mercado em grupo," dehan Fidelis.

Regra hirak ne'ebé sei estabelese, Ministru ne'e hatete, governu sei kontinua halo avaliasaun kada loron.

"Sei halo bebeik avaliasaun kuaze loro-loron ba regra sira ne'e hotu," nia hakotu.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com