Print this page

Timor-oan 80 husi Indonezia to'o iha Dili

Timor-oan sira ne;ebe tun husi Aviaun citylink simu husi autoridade sira iha aeroportu Nicolao Lobato, komoro (29/3) Timor-oan sira ne;ebe tun husi Aviaun citylink simu husi autoridade sira iha aeroportu Nicolao Lobato, komoro (29/3) Foto Isac Oliviera

Tempotimor (Dili)-Ministra Saúde interina Elia dos Reis Amaral simu direitamente Timor-oan na'in 15 ne'ebé foin fila husi Indonezia iha Domingu (29/03), iha aeroportu internasional Nicolau Lobato Komoro.

Timor-oan na'in 15 ne'e mai ho aviaun Citilink iha tuku 11.53, no tuir informasaun iha tuku 13.30, aviaun Sriwijaya sei tula fila Timor-oan na'in 65.

Ministra Elia hakat direitamente ba aeroportu Komoro hodi simu Timor-oan sira. Ekipa saúde sira rega aimoruk alku ba pasajeiru sira bainhira tuun iha kampu aviasaun.

Hafoin simu pasajeiru sira, ministra Elia dehan, governu prepara ona hotel lima, inklui madre sira nian, iha Komoro sai kuarentena.

"Agora dadaun ne'e ami prepara ona otel lima, inklui madre (sira nian) iha iha Komoro, tanba ne'e ita agradese ba fatin sira ne'e para oinsa ita reduz tranzmisaun Covid-19 ne'e rasik," dehan Elia.

Nia hatete, pasajeiru sira ne'ebé mai husi zona mean obrigatoriamente tama kuarentena, eseptu ema ne'ebé mai ho isin-rua

"Ami sei tau (feto isin-rua) iha fatin ketak depois ekipa vijilansia akompaña," dehan nia.

Iha fatin hanesan, ekipa husi SAMES Emilia de Jesus Alves Mendonca dehan, simu orientasaun husi MS atu halo prevensaun ba corona virus ba pasajeiru sira ne'ebé mai husi zona mean.

"Ami simu orientasaun diretamentu husi eselénsia ministra saúde ein ezersísiu, par ami mai halo prevensaun ba corona virus ba ita-nia estudante ka maluk sira ne'ebé mai husi zona mean ka (zona) risku," deham Emilia.

Rate this item
(1 Vote)
Last modified on Sunday, 29 March 2020 15:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items