Print this page

Ohin, Loron Ikus Sriwijaya-Citilink Semo mai Dili

Timoroan sira ne'ebe fila husi Indonezia ho Aviaun Sriwijaya tun iha aeroportu Internasional Prezidente Nicolao Lobato Dili, (29/3) Timoroan sira ne'ebe fila husi Indonezia ho Aviaun Sriwijaya tun iha aeroportu Internasional Prezidente Nicolao Lobato Dili, (29/3) Foto Isac Oliviera

Tempotimor (Dili)-Timor-oan lubuk ida daudauk ne'e sei hela iha Indonezia, maibé governu Timor-Leste deside ona atu taka aeroporto.

Ministériu Transporte no Komunikasaun (MTK) hatuun ona despaisu ba parte aeroportu internasionál Nicolau Lobato Komoro atu la autoriza ona movimentasaun aviaun Sriwijaya no Citilink.

"Sriwijaya no Citilink simu ona informasaun liu-liu estadu emerjénsia kona-ba Covid-19, entaun ohin last flight ba movimentasaun aviaun Citilink no Sriwijaya," dehan Fligth Operational Officer Fernando de Araújo iha Aeroportu Komoro, Domingu (29/03/2020).

Maske nune'e, Fernando dehan, bainhira governu TL husu ajuda atu tula tan Timor-oan balun iha rai li'ur, parte Sriwijaya no Citilink prontu hodi apoiu.

"Se bainhira governu mak husu apoiu ba Sriwijaya no Citilink, hanesan Airlines sira prontu koopera ho governu," dehan nia.

Hafoin Timor-Leste sai husi periodu estadu emerjensia, tuir planu, aviaun Sriwijaya no Citilink sei semo hikas fali hanesan baibain, hahú husi 1 Maiu 2020.

"Maibé depende mós ba situasaun estadu emerjénsia Timor-Leste ninian bainhira estadu la estende ona".

Iha flitgh ikus iha Domingu (29/03), aviaun Sriwijaya tula estudante Timor-oan na'in 65 no Citilink na'in 15, nune'e ho totál estudante Timor-oan ne'ebé ohin mai hamutuk na'in 80.

Rate this item
(0 votes)
Last modified on Sunday, 29 March 2020 15:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items