PR Lu Olo liu husi karta komunikadu hatete, ho apoiu husi Austrália ajuda Timor-Leste hodi iha kbiit atu prevene no kombate COVID-19 ho lalais tanba la presiza haruka tan teste ran ba Australia.
"Ba Governu Australia nia apoiu instala laboratóriu ba teste Covid-19 no formasaun ba pesoál saúde, Prezidente Repúblika hato’o agradesimentu ba tulun ne’e," hakerek komumikadu ne'ebé www.tempotimor.com asesu, Segunda (30/03).
Prezidente Repúblika sei konta nafatin apoiu husi Governu Australia iha luta hasoru Covid-19.
Aleinde Australia, PR Lu Olo mós agradese ba apoiu husi Kuba no Xina hodi reforsa liu tan kooperasaun ba kombate Virus Corona.