Assanami: Povu Hein Hela Governu Rezolve Sira-nia Problema

Mariano Asanami Sabino ko'alia ba Midia hafoin akompana husi membru estrutura Partidu Demokratiku, Lurdes Besa ho Lito Rambo hasoru malu ho Prezidente da Republika tinan ruma kotuk. Mariano Asanami Sabino ko'alia ba Midia hafoin akompana husi membru estrutura Partidu Demokratiku, Lurdes Besa ho Lito Rambo hasoru malu ho Prezidente da Republika tinan ruma kotuk. Foto file

Tempotimor (Dili)-Deputadu Partidu Demokratiku (PD) Mariano Assanami Sabino hatete, povu hein hela governu atu rezolve problema ne'ebé daudauk ne'e povu hasoru.

Tan ne'e, deputadu ne'e husu atu Parlamentu Nasionál aprova ona pedidu levantamentu husi governu nune'e governu bele ezekuta iha semana ne'e nia laran.

"Povu agora hein ne'e mak agora atende lalais corona virus ho inundasaun ho karatér emerjénsia, entaun ha'u hanoin katak ita bele aprova ona par ezekusaun semana ne'e la'o ona, labele hein kleur, tanba ne'e orsamentu ida ne'e koloka duni ba Covid-19, la'ós gasta fali ba buat seluk," dehan Assanami iha plenaria PN, Kuarta (01/04).

Iha fatin hanesan, deputada Bankada KHUNTO Olinda Guterres husu governu uza orsamentu tokon $250 hodi atende imediatu situasaun ne'ebé povu hasoru daudauk.

"Preokupasaun povu nian ne'e ita haree uluk lai ida ne'e. Ne'ebé ha'u husu atu uza osan tokon $250 ne'e hodi atende imediatu ba povu nia situasaun, tanba virus corona povu balun tuur ho matan-been tanba sasan la folin no seluk tan," dehan Olinda.

Entretantu, deputadu husi bankada FRETILIN Antoninho Bianco hatete, tempu ona orgaun soberanu sira atu halo reflexaun.

"Tempu ona ita halo reflexaun ba ita-nia moris, orgaun soberanu tenke halo ona reflexaun ba moris ne'e. Se ita reprezenta duni povu, halo reflexaun sofrimentu ba mundu no ba povu ne'e, tanba ida ne'e mak prinsísiu ne'ebé regula ita iha ohin loron," dehan deputadu ne'e.

Rate this item
(0 votes)
Last modified on Thursday, 02 April 2020 20:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com