Deputadu sira husi bankada CNRT hamosu deklarasaun ne'e durante debate espesialidade ba proposta husi governu ne'ebé husu tan orsamentu millaun $250 ba prevensaun Corona Virus Deasses 2019 (Covid-19) no rezolve problema inundasaun.
Deputadu CNRT Adérito da Costa Hugo hatete, governu daualu la rekoñese aan katak sira laiha kapasidade.
"Ita-boot sira laiha apoiu maioria iha parlamentu ne'e. Primeiru Ministru (PM) mós aprezenta ona nia karta demisaun, mais ita-boot sira mai nafatin ho planu ne'ebé la rekoñese aan katak ita-boot sira laiha kapasidade ba andamentu ne'e," dehan Hugo iha PN, Kinta (02/04).
Tuir nia, loloos governu ne'ebé atu aprezenta adamentu ne'e mak governu foun la'os governu ne'ebé lidera husi PM Taur.
"Tuir loloos ne'e governu foun mak bele aprezenta programa ida ne'e," nia afirma.
Iha fatin hanesan, prezidente bankada CNRT Duarte Nunes deklara katak CNRT CNRT ona aliadu governu daualu.
"Ida agora la'ós aliadu ona, ita uluk ho governu semi prezidensiál, agora prezidensiál tiha ona, ita buka saida, se hakarak ba fali eleisaun hanoin tan saida," dehan Duarte.