Print this page

Deputadu CNRT: Governu La Preparadu Kombate Covid-19

By A April 02, 2020 2131
Deputadu Parlamentu Nasional, Aderito Hugo da Costa Deputadu Parlamentu Nasional, Aderito Hugo da Costa Foto File

Tempotimor (Dili)-Deputadu Bankada CNRT iha Parlamentu Nasionál (PN) Aderito Hugo konsidera governu la preparadu hodi luta kontra Covid-19.

Tuir deputadu Hugo, preparasaun governu nian ne'e reflete iha proposta ne'ebé governu aprezenta ba PN.

"Ha'u atu dehan katak governu la preparadu ne'e mak realidade, tanba Prezidente Repúblika (PR) dekreta tiha liu loron rua mak Konsellu Ministru (KM) foin aprova dekretu ne'ebé atu ezekuta iha estadu emerjénsia," dehan Hugo iha plenária PN, Kinta (02/04/2020).

Iha fatin hanesan, prezidente bankada CNRT Duarte Nunes afirma, PN seidauk aprova osan tanba governu la preparadu.

"Loron hira ne'e ita la konsege aprova tanba governu mak la preparadu, se governu mai dehan sasan sira ne'e urjente, mai ne'e estruturadu ona, labele mai iha ne'e mak dehan fali konsulta ho Parlamentu Nasionál (PN)."

"Se konsulta ho PN, entaun konsulta ona par ita la'o ona," dehan nia.

Rate this item
(1 Vote)
Last modified on Thursday, 02 April 2020 19:58

Related items