Print this page

Loke Aeroportu Tenke Absorve Kuarentena

Ministru Defesa no Seguranca Filomino de Jesus paixao ko'alia ba jornalista sira hafoin hasoru malu ho Primeiru ministru VIII Governu Konstitusional iha palasiu do Governu (3/4) Ministru Defesa no Seguranca Filomino de Jesus paixao ko'alia ba jornalista sira hafoin hasoru malu ho Primeiru ministru VIII Governu Konstitusional iha palasiu do Governu (3/4) Foto Isac Oliviera

Tempotimor (Dili)-Desizaun governu hodi loke fila fali aeroportu atu simu Timor-oan sira ne'ebé sei hela iha rai li'ur halo governu tenke mós hanoin atu oinsa absorve kuarentena hodi bele akumula sira ne'ebé fila husi rai li'ur.

Ministru Defeza no Seguransa Filomeno Paixão husu ministériu relevante atu absorve fatin kuarentena hodi kontrola Timor-oan sira ne'ebé foin fila husi rai li'ur.

"Sira mai ne'e ita atu halo nusa, ita-nia konstituisaun mós dehan ita tenke simu sira, entaun analiza sira mak kuarentena," dehan Ministru Filomeno hafoin hasoru-malu ho PM Taur iha Palásiu Governu, Sesta (03/04/2020).

Tan ne'e, Ministru hatete, governu mak tenke absorve kuarentena hodi bele akumula sira ne'ebé mai.

"Di'ak liu mak ita-nia kapasidade absorsaun kuarentena ne'e hira, bele akumula ema loron ida hira, par sira tama tuir ida ne'e mak di'ak, agora sira mai ida la kontrola ne'e ita atu lori ba iha ne'ebé, se ba uma mak kuarentena ne'e di'ak, mak la tuir (regras) ne'e problema," dehan nia.

Governante ne'e dehan, atu halo esforsu ne'e la'ós MDS de'it maibé ministériu relevante sira mós.

Ministru ne'e dehan, MDS hamutuk ho ministériu relevante sira presiza hanoin maneira ne'ebé di'ak atu kontrola Timor-oan sira ne'ebé hakarak fila.

"Iha fatin (kuarentena) ida dehan presiza ema 100 ida, entaun semana ida ema atus ida tama. Se ema mak tama sabraut ne'e susar," dehan nia.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items