Tuir karta ne'ebé www.temportimo.com asesu, PM Taur dirije karta ho no referénsia 308/GPM/IV/2020 hodi hato'o agradesimentu ba serbisu ne'ebé Elia hala'o durante asume kargu nu'udar Vise Ministra Saúde ba asuntu Kuidade Saúde Primariu iha governu konstitusional daualu.
"S.Exa. Primeiru-Ministru Taur Matan Ruak hato’o agradesimentu ba eis Vise Ministra Saúde ba asuntu Kuidadu Saúde Primáriu, Élia António de Araújo dos Reis Amaral ba nia serbisu prestadu ba estadu iha dezempeñu funsaun governativa nian, no dejeza votu susesu iha etapa vida foun profisionál nian," karta ne'e hakerek.
Karta lia-fuan agradesimentu ne'e Xefe Governu hato'o direitamente ba Vise MS Elia.
Entretantu, Vise MS ne'e hetan ezonerasaun husi Prezidente Repúblika liu husi dekretu númeru 30/2020 iha 3 Abril, bazeia ba proposta ne'ebé PM Taur hato'o.