Login to your account

Username *
Password *
Remember Me

PD ho "Dignidade Partidu" ne'ebé Harahun Doutrina Lasama

Kuadru PD sira iha Palku ne'ebe haleu ho spanduk mak hafutar ho imajen eis Prezidente PD, saudozu Fernando de Araujo Lasama no Prezidente PD Atual, Mariano Assanami Sabino no Sekjen atual Antonio da Conceicao Kuadru PD sira iha Palku ne'ebe haleu ho spanduk mak hafutar ho imajen eis Prezidente PD, saudozu Fernando de Araujo Lasama no Prezidente PD Atual, Mariano Assanami Sabino no Sekjen atual Antonio da Conceicao Foto Midia PD

Tempotimor (Dili)-Partidu Demokratiku (PD) iha tempu saudozu Fernando Lasama de Araujo nian husik hela doutrina ida ne'ebé ema PD sira sei kaer metin ho orgullu. Maibé, ohin loron, doutrina ne'e hahú mihis ba bebeik tanba interese atu hetan poder.

Lia-fuan husi Saudozu Lasama "Ha'u-nia dignidade la as liu dignidade nasaun" sai nu'udar konvite ida ba Timor-oan hotu-hotu katak "sakrifika hotu buat ne'ebé o iha bainhira nasaun ne'e presiza".

Deputadu Partidu Demokratiku Adriano do Nascimento iha loron hirak ne'e hetan kritika maka'as husi ema PD rasik ba pozisaun ne'ebé nia foti nu'udar reprezentante povu iha Parlamentu Nasionál.

PN ne'ebé dala-barak bolu nu'udar "Uma Fukun" nu'udar fatin atu halo duni politika, maibé la'os politika atu defende de'it interese pesoal no partidu, maibé iha interese boot liu mak interese estadu, interese povu no nasaun.

Deputadu PD Adriano do Nascimento fó hanoin fila fali ba lia-fuan husi Lasama no lia-fuan balun ne'ebé atual Prezidente PD Mariano Assanami Sabino sempre koalia.

"Ami-nia Prezidente Fernando Lasama de Araojo hanorin ami politika hodi dehan 'ha'u-nia dignidade la as liu dignidade nasaun nian'. Depois ami-nia Prezidente Mariano Asanami Sabino hanorin ami katak 'PD laiha rezerva ba estadu. Maubere-oan prontu atu servi'. Ho ida ne'e mak guia ha'u-nia pensamentu hodi haketak estadu no intrese pesoal i partidu nian," deklara Adriano ba www.tempotimor.com relasiona ho deklrasaun husi Sekretariu Jeral Juventude Demokratiku Munisipiu Dili (JDMD), Cesar Mau-Loi.

Deputadu ne'e esplika nia razaun hodi vota a favor ba proposta governu ho karater urijensia katak, nia vota a favor ba karater urijensia hodi salva povu no nasaun.

"Governu hatete mai dehan urijensia, entaun ha'u mós kompriende no intende tenke debate urijensia, ne'e mak ha'u vota a favor," dehan nia.

Nia dehan, presiza duni karater urijensia tanba razaun dahuluk mak governu nu'udar jestor husu ba parlamentu nasional par debate urijensia, no daruak mak governu aprezenta iha item 12 ne'ebé husu esesaun ba aplikasaun rejime duadesimu.

"Ba ha'u item 12 ne'ebé governu atu husu esesaun hodi halo alterasaun ba alterasaun Lei  orsamentu jestaun finanseira artigu 30 ba ha'u importante liu iha item 4. Primeiru, governu husu parlamentu atu fó esesaun ba kombate moras, segundu atu finansia dezastre naturais, terseiru governu atu selu diplomata sira aluga uma iha li'ur, no kuartu governu husu esesaun atu selu dividas Timor ninian, entaun ba ha'u-nia pozisaun aseita, nune'e ha'u vota a favor," dehan nia.

Iha fatin ketak, Sekretariu Jeral PD Antonio da Conseicao 'Kalohan' hatete, kona-ba hahalok deputadu Adriano nian ne'e prosesu politiku partidu ninian.

"Deputadu Adriano do Nascimento la kandidatu an hanesan independente, tanba nia naran tama iha lista númeru 4 Partidu Demokratiku ninian, purtantu nia tenke tuir saida mak Partidu Demokratika hola, hanesan mós partidu sira seluk," dehan nia.

Tuir Kalohan, imposivel deputadu Adriano tuur ho eleitoral husi PD nian ba halo fali politika partidu FRETILIN nian.

"Deputadu tenke hatene se halo asaun ne'ebé la loos, la presiza partidu ko'alia, nia mak tenke hili dalan rasik, tanba ne'e ami hein nia mak hili rasik ninia dalan," dehan nia.

Rate this item
(0 votes)
Last modified on Thursday, 09 April 2020 08:35
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter