PR Lú-Olo Apresia Kooperasaun Bilateral ho Japaun

Prezidente da republika, Dr. Francisco Guterres Lu Olo simu karta kredensial husi Embaixador foun Japaun, embaixadór Kinefuchi Masami iha palasiu Prezidensial Dili (7/4) Prezidente da republika, Dr. Francisco Guterres Lu Olo simu karta kredensial husi Embaixador foun Japaun, embaixadór Kinefuchi Masami iha palasiu Prezidensial Dili (7/4) Foto Midia PR

Tempotimor (Dili)-Prezidente Repúblika (PR) Francisco Guterres Lú Olo, apresia ba kooperasaun bilaterál entre Timor-Leste ho Japaun ne’ebé sai metin ba beibeik.

PR hato'o apresiasaun ne'e iha serimonia simu karta kredensiál husi Embaixadór foun Japaun nian mai Timor-Leste, Kinefuchi Masami.

"Kongratulasaun ba emperor foun, ha'u  hein katak embaixadór Kinefuchi Masami bele hatutan servisu sira ne’ebé xefe misaun anteriór hala’o tiha ona hodi hametin liután relasaun entre nasaun rua ne'e," dehan PR Lú Olo hafoin simu karta kredensiál iha Palásiu Prezidensiál Bairro-pite Dili, Tersa (07/04/2020).

Iha fatin hanesan, Embaixadór foun Japaun nian mós agradese ba Prezidente Repúblika tanba, maske iha situasaun estadu emerjensia maibé bele simu ninian karta kredensiál. 

"Japaun nu’udar país ida ne’ebé fó apoiu ba Timor-Leste dezde kedas Timor-Leste hetan ninian independénsia. Reuniaun doadores dahuluk ba dezenvolvimentu iha Timor-Leste hala’o iha Japaun, iha 1999," dehan Embaixadór Japaun.

Embaixadór foun ne'e hatete katak, durante ne'e povu Japaun oferese ona apoiu iha parte oioin ba TL.

"Apoiu Japaun nian ba TL mak hanesan kapasitasaun rekursu umanus, agrikultura no dezenvolvimentu rural, infra-estrutura, marítima, edukasaun, bee-moos, sanitáriu no kooperasaun trilateral tau-matan ba kosteiras."

Iha fatin hanesan Ministru Negosiu Estranjeiru no Kooperasaun (MNEK) Dionísio Babo dehan, Japaun sei apoiu osan ba TL ba prevensaun surtu Covid-19.

"Bazeia ba pedidu husi Governu Timor-Leste ninian, Japaun sei apoiu osan liu miloens US$1 ba prevensaun virus corona iha Timor-Leste, liu husi UNICEF," dehan Dionisio.

Entretantu, governu Japaun mós konstrui edifísiu ba Fakuldade Enjiñaria Siénsia no teknolójia UNTL iha Hera, Ponte Komoro no sei rehabilita aeroportu internasionál Prezidente Nicolau Lobato, inklui apoiu ba prosesu adezaun Timor-Leste ba ASEAN no Organizasaun Mundiál Komérsiu.

Iha parte kooperasaun multilateral, Timor-Leste apoiu Japaun ba Komisaun Nasoins Unidas ba Direitu Internasionál Komérsiu, Komité Direitus Umanus, Komité Intergovernamentál ba Salvaguarda, Tribunal Internasionál ba Justisa, Vise Presidente Asembleia Jerál iha 2018 no Organizasaun Marítima Internasionál.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com