Liuhusi komunikadu imprensa ne'ebé tempotimor.com asesu katak, iha loron (7/04) ADN públika informasaun katak prezidente CNRT orienta ADN no Diretór Ministériu Saúde hodi instal fatin izolamentu ba ema ne'ebé pozitivu ba corona virus.
"lha loron 7 fulan Abril tinan 2020, Ajensia Dezenvolvimentu Nasional (ADN) públika iha ninia pájina facebook katak señor Xanana Gusmão konvoka no fó orientasaun ba ADN no Diretór Mnistériu Saúde atu prepara instalasaun antigu ospital iha Lahane, atu halo fatin izolamentu ba pasiente ne'ebé pozitivu ho Covid-19," dehan iha komunikadu imprensa ne'ebe www.tempotimor.com asesu, Kuarta (08/04/2020)
Bankada FRETILIN haree asaun refere prezidente CNRT atu interfere governu ne'ebé lidera husi PM Taur Matan Ruak.
"Asaun ida ne’e hanesan tentativa ida tan, atu interfere iha knaar ne'ebé la'ós señor Xanana nian, maibé knaar governu nian, ne’ebé agora lidera husi señor Primeiru Ministru Taur Matan Ruak," afirma Iha komunikadu
Xanana Gusmão, ne'ebé rekuza atu tuir tomada de posse atu sai ministru iha VIII Governu Konstitusional, hahú hatudu nia poder informal hodi domina governu.
"Asaun hanesan ne'e, hatudu momós katak hakarak obriga "poder informal" mak atu domina, no ida ne'e la eduka ita nia povu no la kontribui ba estabilidade iha rai laran no hanaruk tan impase polítiku," tenik iha komunikadu refere.
Bankada Fretilin mós dehan, fatin ne'ebé Xanana hili hodi instala fatin izolamentu ba pasiente Covid-19 la apropriadu.
"Fatin ne’ebé Senor Xanana hili, la'os fatin apropriadu atu halo fatin izolamentu, tamba estudu ida ne'ebé enjinéiru husi China, nomós husi GERTIL halo iha tinan 2003 ka 2004 wainhira elabora planu urbanizasaun ba governu dahuluk, hatudu katak área ne’ebá iha rai (solo) ka risku erozaun maka‘as no konstrusaun nebe’e de'it mak atu halo iha ne'ebá iha risku boot atu monu," dehan bankada Fretilin
Bankada Parlamentár ne'e mós apelu ba ema hotu atu uza knaar ida-idak nian hodi kontribui ba kombate pandemia corona virus deasses 2019 (Covid-19) ne'ebé ataka mundu inklui Timor Leste
Luta kontra Covid-19 presiza ita hotu nia kontribuisaun, liu husi ida idak nia knaar, hodi ita hotu beIe kompleta ma|u no kontribui ba luta naruk ne’ebé mundo tomak enfrenta.
Fretilin mós husu ba ema ne'ebé la involve iha orgaun ezekutivu, husik governu mak foti asaun no mekanizmu prevensaun ne'ebé sesesáriu no posivel iha Timor Leste. Tanba asaun ne'ebé señor Xanana halo la sai ezemplu ba povu.
