Login to your account

Username *
Password *
Remember Me

Kazu Foun Covid-19 Aumenta, Timor-oan na'in 2 Pozitivu tan

dra Odete da Silva Viegas, iha Sala situasaun ko'alia hela ba jornalista sira iha CCD (13/4) dra Odete da Silva Viegas, iha Sala situasaun ko'alia hela ba jornalista sira iha CCD (13/4) Foto Isac Oliviera

Tempotimor (Dili)-Númeru Timor-oan ne'ebé pozitivu Corona Virus Deasses 2019 (Covid-19) hahú aumenta. Tuir informasaun husi Sentru Integradu Jestaun Krize (SIJK), iha kazu foun rua ne'ebé konfirmadu pozitivu Covid-19. Ho nune'e, total kazu pozitivu Covid-19 iha TL sa'e ba kazu 4.

Molok ne'e, iha Sesta (10/04), SIJK anunsia katak Timor-oan ida ne'ebé hela iha kuarentena Hotel Katuas (eis City Cafe) hamutuk ho Timor-oan na'in 37 seluk pozitivu Covid-19.

Hafoin anunsia rezultadu refere, mediku sira hahú mós halo teste ba Timor-oan na'in 37 no buka tuir mós istoria kontaktu husi ema ne'ebé pozitivu Covid-19.

LEE MOS : Ambulansia Tama Sai Otel Katuas, Posibilidade Númeru Pozitivu Covid-19 Aumenta

Iha Domingu (12/04) maizumenus tuku 20.30, ambulansia ida vizita dala rua ba Hotel Katuas ne'ebé deskonfia tula sai Timor-oan na'in rua seluk ne'ebé dezenvolve sintomas Covid-19.

Hafoin liu husi prosesu teste, ikus mai identifika duni katak iha Timor-oan na'in rua ne'ebé mós tama kuarentena iha Hotel Katuas pozitivu Covid-19.

Membru ekipa SIJK ne'ebé mós nu'udar Diretora Jerál Prestasaun Saúde-Ministériu Saúde (MS), Odete Viegas informa, Timor-oan na'in rua tan mak pozitivu Covid-19.

Ho nune'e, nia dehan, total kazu pozitivu Covid-19 iha Timor-Leste sa'e ba kazu haat (4). Ida rekopera no kazu foun tolu.

"Kazu konfirmadu na'in haat, foun na'in rua tan ne'ebé aumenta ho ida ne'ebé antens ne'e, no ida seluk rekopera ona, nune'e hamutuk na'in haat. Kolega rua ne'e tama iha fatin ne'ebé antes ne'e kolega ida pozitivu hela ba," informa Odete bainhira atualiza informasaun kona-ba Covid-19 iha Sentru Konvensaun Dili, Segunda (13/04).

"Sira na'in rua, grupu ida ne'ebé mai husi Kupang, kazu rua ne'e hamutuk ona iha Vera Kruz, maibé felizmente sura nia kondisaun di'ak, laiha mear, laiha isin manas," dehan nia.

Daudauk ne'e, nia hatete, pasiente na'in rua refere tama ona iha fatin izolamentu Vera Kruz.

Rate this item
(0 votes)
Last modified on Monday, 13 April 2020 16:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter