Diretora Jerál Prestasaun Saúde, dra. Odete da Silva Viegas dehan, bainhira gravidade Covid-19 aas ona, sei utuliza ospitál antigu António de Carvalho Lahane.
"Kuandu pasiente Covid-19 ne'ebé kondisaun gravidade aas ona, ita sei uza ospitál António de Carvalho, tanba ospitál dr. António de Carvalho sei uza ekipamentu sufistikadu ba kama 150," dehan dra. Odete iha sala situasaun, Segunda (13/04/2020).
Aleinde ne'e, nia hatete, governu mós prepara ona fatin izolamentu ida iha Tasi Tolu ne'ebé sei uza bainhira Sentru Saúde Vera Kruz nakonu.
"Husi SIJK mós antisipa ona katak se izolamentu Sentru Saúde Vera Kruz mak nakonu, ita sei uza Tasi Tolu," dehan nia.
Fatin izolamentu refere, nia hatete, sei uza ba kuarentena no uza mós ba pasiente Covid-19 ne'ebé ho kondisaun moderadu.
"Izolamentu Vera Kruz mak nakonu ita sei uza izolamentu Tasi-Tolu ba kuarentena no izolamentu ba pasiente Covid-19 ne'ebé nia kondisaun moderadu," dehan dra. Odete.