Opservasaun iha terenu nota katak, Pasiente nain 2 iha kuarentena Hotel katuas koopera ona ho pesoal Saude no konsege sae ambulansia iha tuku 13:00 hodi ba fatin Izolamentu Sentru Saude Vera Cruz.
"Rezolve ona agora ita konsege lori ba Fatin Izolamentu", dehan pesoal Saude ida iha aredor Hotel katuas, kuarta (15/4).
Molok ne'e, maizumenus tuku 11: 15 ambulansia tama iha aredor Hotel katuas atu evakua tan ema nain 2 ne'ebe pozitivu ona ba Corona Virus Desease 2019 (Covid-19) ba fatin Izolamentu iha sentru Saude Vera Cruz, maibe ema sira iha kuarentena lakohi kopera ho pesoal Saude.
Ambulansia to'o iha aredores Hotel katuas tuku 11: 15 OTL, atu tula sai fali ema nain rua ne'ebe kuarentena hela iha Hotel Katuas, maibe sira nain rua lakohi sai husi hotel laran ba sae ambulansia, nune'e to'o oras nune'e obriga halo negosiasaun too konsege evakua ema nain rua ne'e.
Informasaun husi pesoal Saude sira ne'ebe tama ba hotel katuas atu evakua ema nain 2 ne'ebe Pozitivu ona ba Covid-19 ne'e katak, ema nain rua ne'e nia maluk sira iha hotel laran mak lakohi atu sira nain 2 evakua ba fatin Izolamentu Sentru Saude Vera Cruz.
"Sira nia ezijensia iha pontu 3, primeiru sira nain rua ne'e mak deskonfia Pozitivu, sira hasai hamutuk sira nain rua kontinua ba Izolamentu Sentru Saude Vera Cruz no sira seluk muda ba Fatin seluk, segundu karik mai hasai tan sira nia sample, sira sei la fo sira nia isin, se muda sira ba fatin seluk sira prontu par kopera fo sira nia isin, ikus liu horsei atu halo evakuasaun, maibe sira dehan adiata hela de'it, entau sira lakohi kopera ho ami, entaun la konsege evakua ba Vera Cruz, sira hakarak evakua sira dala ida de'it ba fatin seluk ida ne'e mak sira nia ezijensia", dehan pesoal Saude ne'e ba jornalista sira iha Otel Katuas, kurta (15/4).
Entertantu oras ne'e dadaun ambulansia evakua tiha ona pasiente nain rua ba fatin Izolamentu Sentru Saude Vera Cruz nune'e hamtuk pasiente Covid 19 iha fatin refere hamutuk nain hitu ona.
