Tuir portavoz Sentru Integradu ba Jestaun Krize (SIJK) Dr. Sergio Lobo katak, kazu konfirmadu na'in ualu ona.
"Kazu pozitivu ohin ne'e aumenta ba na'in ualu, nain hitu iha ona fatin izolamentu Sentru Saúde Vera kruz," dehan Portavoz SIJK Doutór Sergio Lobo iha sala situasaun ba jornalista sira, Kuarta (15/04/2020)
Dr. Sergio mós afirma, sidadaun sira ne'ebé pozitivu ona ba covid-19 grupu ida ne'ebé mai husi Indonézia.
"Kolega sira ne'ebé pozitivu ba covid-19 ne'e, sira ne'ebé viajem husi Indonézia mai," dehan Lobo
Entretantu sidadaun sira ne'ebé sei iha auto konfinamentu hamutuk 569, suspeita 210, sira ne'ebé sei hein rezultadu 3, nain 6 provavel, rezultadu negativu 167 no konfirmadu ba corona virus na'in 8.