Diretór Gabinete Polítika Kooperasaun, Narcisio Fernandes hateten, loloos atu re-integra ema na'in 84 iha kuarentena tolu, maibé sei pendente tanba ema balu hatudu sintoma Covid-19.
"Ami hetan informasaun husi laboratóriu nasionál katak, ita hein, pendente uitoan para sira halo konfirmasaun antes atu fó fila, maibé anteriormente iha loron hirak liu-ba ami simu ona rezultadu husi sira, maibé ohin dader hatete tan katak, sei pendente, entaun ami tékniku labele ultrapasa servisu balun ne'ebé presiza kompleta iha laboratóriu nian", dehan nia, iha Hotel Leokassi, Rai-kotu, Sesta (17/4).
Nia subliña, sira ne'ebé ohin kompleta ona loron 14 iha kuarentena obrigatoriu hodi livre fila ba ida-idak nia uma mak kompostu husi feto hamutuk 37 no mane 47, totál ema na'in 84.