"Kazu komfirmadu hamutuk 19 Kazu foun Ida no ida rekopera ou kuradu, kazu pozitivu ne'e mai husi hotel Lesidere, dehan Nia iha sala Situasaun Sentru Integradu Jestaun Kriji, domingu (19/4).

"Alin ne'ebe mak heta Pozitivu nia halo viagem mai husi Bandung ba Jakarta iha dia 30 Fulan Marsu 2020 nia viajem ho travel no husi Jakarta mai Kupang nia ho ho aviaun Batik Air no husi Kupang mai Batugade nia mai toba kalan ida iha atambua iha hotel Travel no nia husi Atambua mai Batugade nia ho Ojek no husi fali Batugade mai Dili iha dia 30 nia ho Bis naran Bintang", tenik Nia 

"Bis bintang ne'e Parte saude aluga hahu husi kedas dia 28 to'o dia 31 Marsu no ema sira ne'e mai ba hamutuk iha kuarentina hotel katuas hamutuk 41 pesoas", Nia haktuir 

Nia relata, Dadaun kazu Suspeitu total hamutuk 323, provavel nain 4 no hein rezultadu teste nain 92, negativu 208.

Entertantu ema ne'ebe dadaun iha Hela kurentina obrigatoriu no auto kuarentina hamutuk 608, kuarentina obrigatoriu iha dili 460 iha munisipiu ema nain 134, auto kuarentina iha Dili la iha no iha munisipiu ema nain 14.