Governu Husu PR Estende Estadu Emerjénsia

Palasiu Governu Palasiu Governu Foto File Midia PM

Tempotimor (Dili) - Governu liuhusi reuniaun Estraordinária deside hodi husu ba Prezidente Republika, Francisco Guterres Lú Olo atu estende Estadu Emerjénsia.


"Konsellu Ministru hala'o soru-mutu  Estraordinária no deside husu ba Prezidente Republika kona-ba estensaun Estadu Emerjénsia ne'ebé sei termina iha loron 26 fulan-Abríl", haktuir husi komunikadu imprensa Konselu Ministru, Segunda (20/4).

Komunikadu ne'e sita, nesesidade husi estensaun Estadu Emerjénsia ne'e bazeia ba avaliasaun ba situasaun epidemiolojika no proliferasaun husi kazu ne'ebé rejistu ba kontajiu Covid-19 iha territóriu nasionál ho eskala globál no ezije manutensaun ba aplikasaun husi medida estraordinária sira ho karakter urjente atu bele trava pandemia.

Entertantu, Konselu Ministru mos aprova planu sosiu-ekonómiku atu bele ba efeitu negativu sira ne'ebé hetan husi pandemia Covid-19 iha ekonomia nasionál.

Estimulu ekonomia ne'ebe aprova ona esensialmente ho objetivu atu proteje ema hotu, salva empregu sira, mantein konsumu nafatin no apoiu ba atividade ba setór privadu nian. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.