Deskonfia Deputadu Sira Fahe Malu Osan $500.000

prezidente Parlamentu Nasional, Arao Noe de Jesus Amaral. ko'alia ba midia iha Parlamentu (20/4) prezidente Parlamentu Nasional, Arao Noe de Jesus Amaral. ko'alia ba midia iha Parlamentu (20/4) Foto Isac Oliviera

Tempotimor (Dili) - Mosu espekulasaun barak husi publiku katak deputadu sira iha Parlamentu Nasionál fahe malu osan US$ 500.000 ba halo fiskalizasaun iha momentu moras Coronavirus Disease 2019 (Covid-19) mosu iha Timor-Leste.

Maski nune'e, informasaun ne'e rejeita husi Prezidente Parlamentu Nasionál, Arão Noe de Jesus.

Tuir nia, akuzasaun ne'e la loos, tanba osan ne'e rasik iha hela Banku Nasionál Komérsiu Timor Leste (BNCTL).

"Informasaun iha públiku dehan osan US$ 500.00 ne'e dehan deputadu sira fahe ba malu

US$7.000 ha'u hanoin interpretasaun ida ne'ebé la loos no sala," dehan Prezidente PN, iha Uma Fukun PN, Segunda (20/4).

Nia dehan, osan US$500.000 ba deputadu sira depois dehan ba perdiam ne'e la loos.

"Iha programa lubuk ida ne'ebé Parlamentu Nasionál atu halo hodi to'o tinan 2020 nia rohan, inklui rekuperasaun ekonomia," dehan tenik Arão.

Xefe lejisladór ne'e mós afirma, osan ne'ebé PN aprova ba fundu Covid-19 hamutuk millaun $150.

"Osan Ba Covid-19 tokon US$ 150, PN iha $500.000 para PN bele hala'o servisu no akompaña ezekusaun ba orsamentu tokon US$149.500 ne'ebé governu atu ezekuta," dehan Arão. 

Nia esplika, PN seidauk ezekuta osan US$500.000 tanba komisaun sira tenke aprezenta proposta ba meza PN.

"Kuandu osan ne'e aprova, PN husu ba komisaun ida-idak atu halo nia planu hodi submete mai meza PN, depois planu ne'e aprova maka haruka ba sekretaria PN hodi junta ho programa sira ne'e," nia tenik.

Nia dehan, osan US$500.000 la'ós ba fulan ida ne'e de'it, maibé osan ne'e sei ezekuta to'o surtu Covid-19 ne'e lakon. 

 

Rate this item
(0 votes)
Last modified on Tuesday, 21 April 2020 06:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.