Print this page

PN Fó Votu Pezar Ba dr. Daniel

Plenaria Parlamentu Nasional Plenaria Parlamentu Nasional Foto Isac Oliviera

Tempotimor (Dili) - Parlamentu Nasionál (PN) fó votu pezar ba matebian doutór Daniel Murphy 'Dan' ne'ebé hakotu iis iha loron 14 Abríl 2020.

Prezidente Bankada FRETILIN, nu'udar proponente ne'ebé aprezenta proposta votu pezar dehan dr. Dan hanesan médiku no ativista ne'ebé mai Timor servisu liu ba médiku iha tinan 1998.

"Foin daudaun nia-mate momentu ne'e Parlamentu Nasionál laiha sesaun plenária, ohin mak foin aprezenta votu de pezar," dehan Deputadu FRETILIN, Aniceto Longuinhos Guterres, iha plenária PN, Tersa (21/4).

Nia afirma, luta ne'ebé durante dr. Dan halo maka Estadu Timor-Leste kondekora ona nia liuhusi Prezidente Repúblika (PR) ho medalla ordem Timor-Leste.

Entretantu, Prezidente Bankada PD, António da Conceição hateten, maski iha situasaun difisil maibé iha eroi ida ne'ebé tulun povu.

"Ema ne'e halo nia abilitasaun totál ba ita-nia rai, tanba ne'e ha'u hanoin nia merese ita-nia solidadriedade," dehan nia.

Entretantu, Bankada UDT/FM no mós Bankada PLP mós fó sentidu kondolénsia profundu ba família em lutada sira.

Iha votu pezar ne'ebé PN ba matebian dr Dan Murphy ho votu unanimidade husi totál deputadu 55. 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items