Kondutór no Ajudante Tula Pasiente Covid-19 Teste Negativu, Nafatin Kuarentena

Postu rai ketan batu gade Postu rai ketan batu gade Foto arkivu

Tempotimor (Dili) - Kondutór no ajudante bus halai diresaun Maliana Dili, bus Bintang, antes ne'e deskonfia halo kontaktu ho estudante timoroan ida pozitivu ba moras Coronavirus Disease 2019 (Covid-19), husi rezultadu teste hatudu sinál negativu.

Husi parte ekipa laboratóriu nasionál hasai sira-nia amostra hodi halo teste no rezultadu sai negativu, maibé daudaun kontinua tama iha kuarentena hodi hein hetan observasaun husi médiku sira.

Diretór Servisu Saúde Munisípiu Bobonaru, João Cardoso hateten, sei mantein motorista ho nia ajudante sira iha kuarentena hodi akompaña nafatin semana ida, kuandu la mosu ona sintoma hafoin bele haruka sira fila ba uma.

"Ita iha kuarentena ne'e ema aumenta  laiha, iha de'it mak na'in tolu motorista ho ajudante bís na'in rua", dehan nia via telefone, Tersa (21/4).

"Sira kondisaun agora diak, tanba sira-nia rezultadu teste negativu tiha ona iha loron tolu hirak liu-ba, maibé tuir instrusaun husi vijilansia epidemiologia Ministériu Saúde nian tenke prolonga tan sira nia loron kuarentena semana ida tan maka husik livre sira ba uma", tenik nia.

Iha iniqui fulan Abril tinan ne'e, wainhira Timoroan sira fila husi Indonezia liu husi Mota Ain, Ministeiru Saude aluga bus Bintang ho bus Becam hodi tula estudantes Timoroan sira husi Batu Gade mai Dili. (*)

 

Rate this item
(0 votes)
Last modified on Wednesday, 22 April 2020 07:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.