Login to your account

Username *
Password *
Remember Me

Ema Na'in 11 iha Likisá Kontaktu ho pasiente Covid-19

Diretora Servisu Saúde Munisípiu Likisá, Apolónia dos Santos hamutuk ho Embaixadora EUA iha Timor Leste Karen Clark Stanton no Militar Amerika Seabees, inaugura sentru saude Vatubou Diretora Servisu Saúde Munisípiu Likisá, Apolónia dos Santos hamutuk ho Embaixadora EUA iha Timor Leste Karen Clark Stanton no Militar Amerika Seabees, inaugura sentru saude Vatubou Foto File

Tempotimor (Dili) - Servisu Saúde Munisípiu Likisá foti ona amostra husi ema na'in 11 hodi halo teste iha laboratóriu nasionál, tanba iha kontaktu ho sidadaun portugueza ne'ebe konfirmadu pozitivu ba moras Coronavirus Disease 2019 (Covid-19).

Diretora Servisu Saúde Munisípiu Likisá, Apolónia dos Santos hateten, komunidade na'in 11 ne'e hasai amostra (sampel), tanba viziñu ho profesór portugueza sira, ne'ebe na'in rua pozitivu ona ba Covid-19.

"Horseik lokraik, husi ekipa laboratóriu nasionál mai hamutuk ho ekipa saúde Likisá hasai ona amostra komunidade na'in 11 ne'ebé uma na'in fó aluga ba malae sira ne'e no viziñu ho profesór portugueza sira ne'e nia sample atu halo teste," dehan nia, via telefone, Kinta (23/4).

Nia hatutan, ema sira ne'e deskonfia de'it mas durante ne'e sira la halo kontaktu direta ho malae sira no sira mós la hatudu sintoma ruma.

Komunidade ne'ebé foti ona amostra hodi lori ba teste iha laboratóriu nasionál no ba konfirma iha Darwin-Australia ne'e kompostu husi Mane na'in haat no feto na'in hitu.

Alende ne'e, mos tuir planu servisu Saude Munisípiu Likisá, sei foti komunidade Likisá to'o ema na'in 100 ninia amostra hodi halo teste para bele hatene loloos moras ne'e da'et ona iha Likisá laran ka lae.

"Atu halo medida prevensaun, foti amostra halo estudu see 100 pesoas ne'e mak ida pozitivu signifika Munisípiu Likisá ne'e risku ona ba Covid-19", tenik Apolónia.

Nia esplika, mekanizmu atu hasai komunidade sira-nia amostra ne'e iha oin rua. Ida ba ema balun ne'ebe mear no isin manas ba halo konsulta iha sentru saude. Seluk maka, husi ekipa laboratóriu Sentru Saúde Likisá nafatin kontinuasaun ba komunidade sira ne'ebe deskonfia kontaktu ho profesor portugueza sira ne'e nia uma.

"Agora daudauk sé mak ba konsulta iha moras isin manas, mear no inus been sira ne'e sei foti hotu to'o na'in 100 hanesan random hodi halo teste. See ida mak pozitivu Likisá risku boot", dehan nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter