Print this page

SIJK Deteta Kazu Provável Ruma Maka Estende Durasaun Tempo Kuarentena 

dr. Rui Maria de Araujo portavoz Sentru Integradu Jestaun Krize ba kombate Covid 19 ko'alia ba Jornalista sira sala Situasaun CCD (23/4) dr. Rui Maria de Araujo portavoz Sentru Integradu Jestaun Krize ba kombate Covid 19 ko'alia ba Jornalista sira sala Situasaun CCD (23/4) Foto Isac Oliviera

TempoTimor (Dili)- Relasiona ho medidas estensaun ba kuarentena sira, tuir Porta-Vóz Integradu Jestaun Krize (CIGC) sigla iha portugés, Rui Maria de Araújo, katak Ministériu Saúde foti medidas ne'e,tanba detetadu kazu pozitivu ka kazu provável ruma, iha kuarente hirak ne'e, hodi nune'e estende tan sira nia períodu inkubasaun ba semana rua tan, atu prevene kontájiu iha komunidade, bainhira abitante sira ne'e iha ona kontájiu ruma.

"Públiku mos presiza hatene katak, medidas ne'ebé Ministériu Saúde foti, hodi estende kuarentena iha fatin balun mosu, tanba iha fatin hirak ne'e deteta kazu pozitivu ka provável, presiza nafatin iha kuarentena durante loron 14 tan, sura husi loron ne'ebé deteta kazu konfirmadu ka provável ne'e, hodi evita karik sira balun hetan ona kontájiu, lori sai ba kontajia fali iha komunidade, " Explika Rui Araújo liu husi konferénsia imprensa, Kinta ne'e, iha Sala Situasaun Sentru Konvensoens Díli (CCD) sigla iha portugés.

Eis-Ministru Saúde ne'e mos hato'o gratidaun ba família no abitante sira ne'ebé ho pasiénsia durante iha kuarentena, inklui ba parte hotu nia dedikasaun tomak, ne'ebé iha liña oin, hodi hala'o servisu, durante luta kontra krize pandemia Covid-19.

"Aproveita ho ida ne'e, agradese ba maluk sira hotu nia pasiénsia, iha kuarentena ho ida-idak nia família, nomos louva no agradese pasiénsia obnegasaun no dedikasaun tomak, husi sira hotu ne'ebé iha liña de frente, iha kuarentena sira, hahu husi sira ne'ebé jere fatin kuarentena hanesan MTCI sira, ekipa médika husi Ministériu Edukasaun, nomos membru seguransa sivil no PNTL sira ne'ebé involvidu iha seguransa iha fatin kuarentena," dehan Nia

Dadaun ne'e, abitante ne'ebé iha kuarentena obrigatóriu hamutuk 432 kompostu husi kuarentena iha Kapitál Díli no Munisípiu, no ema sira ne'ebé pasa ona iha kuarentena hamutuk 1643.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items