Asanami: Osan Rihun $500 ba PN Laos Per Diem

Deputadu husi Bankada Partidu Demokratiku (PD) iha parlamentu Nasional Deputadu husi Bankada Partidu Demokratiku (PD) iha parlamentu Nasional Foto PD

Tempotimor (Dili)-Deputadu Bankada Partidu Demokratiku (PD) Mariano Assanami Sabino hatete, orsamentu rihun $500 ne'ebé aloka ba Parlamentu Nasionál la'os per diem ba deputadu sira, maibé atu fasilita deputadu sira hodi halo atividade ne'ebé ho planu serteza.

Deklarasaun Assanami ne'e relasiona ho kritika balun husi públiku ne'ebé hatete katak, PN "dada" osan rihun $500 husi orsamentu Covid-19 hodi utiliza ba atividade deputadu sira-nian.

"Ema barak mós espalla (informasaun) osan rihun $500 ne’ebé mak aloka ba parlamentu, tanba  Parlamentu hanesan orgaun ida ne’e atu hala'o atividade, osan ne'e iha fundu nune'e kuandu iha planu no serteza duni mak gasta, se laiha planu serteza osan ne’e nafatin iha fundu," dehan Assanami iha Sede PD, Kolmera, Sesta (24/04).

Tuir atual Prezidente PD ne'e, osan ne'e laos transfere ba PN atu uza fali ba per diem loron-loron ka uza ba atividade extra sira, maibé atu uza duni ba Covid-19.

Tan ne'e, nia afirma, iha duni limitasaun no sei transparante ba povu hotu-hotu atu bele tau-matan no kontinua kritika.

Nia dehan, osan refere sei uza ba atividade ne'ebé iha relasaun ho Covid-19 no bele utuliza mós ba sosa material ne'ebé nesesita ba Covid-19.

"Se karik sosa duni ba maereial ruma entaun material ne’e tau iha ne’ebé no uza ba saida no material ne’e hira mak uza ona no hira mak sidauk uza," dehan nia.

 

Rate this item
(0 votes)
Last modified on Saturday, 25 April 2020 11:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.