PM Australia Telefone PM Taur Hato'o Protidaun Apoiu TL Luta Hasoru Covid-19

Primeiru Ministru Australia, Scot Morrison ka'er liman ho Primeiru Ministru Timor Leste, Taur Matan Ruak iha loron 30/8/2019 Primeiru Ministru Australia, Scot Morrison ka'er liman ho Primeiru Ministru Timor Leste, Taur Matan Ruak iha loron 30/8/2019 Foto Midia PM

Tempotimor (Dili)-Primeiru Ministru Australia Scott Morrison iha Sesta semana kotuk halo kontatu telefonika ho Primeiru Ministru Timor-Leste Taur Matan Ruak hodi afirma komitementu Australia nian apoiu TL kombate Covid-19.

Tuir komunikadu imprensa ne'ebé fó sai husi media gabinete PM Taur katak, iha Sesta semana kotuk, PM Taur hetan xamada telefonika husi nia ómologu australianu, Scott Morrison, ne’ebé reitera Austrália nia apoiu no solidariedade ba Timor-Leste iha luta kontra surtu Covid-19.

“Iha konversa telefonika durante menutu 12 ne’e, Xefe Governu país viziñu rua ne’e mós aprofunda liu tán relasaun no kooperasaun país rua nian ba oin. Iha ne’ebé Austrália prontu ajuda Timor-Leste ho ekipamentu medikamentu balun tan no tékniku iha laboratóriu.”

PM Taur, agradese ba apoiu no solidariedade husi Governu no povu australianu embora iha Austrália mós hasoru problema Covid-19.

Entretantu, komunikadu ne'e hatutan, iha konversa refere, PM Taur mós aproveita hodi husu deskulpa tanba labele vizita nasaun kangaru ne'e.

“Xefe Governu timoroan husu deskulpa ba nia ómologu australianu tanba labele vizita Austrália iha fulan Abril hanesan promete ona,” deklara komunikadu ne'ebé www.tempotimor.com asesu, Segunda (27/04).

 

Rate this item
(0 votes)
Last modified on Monday, 27 April 2020 14:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com