CNRT Kontra Estensaun EE, Lakon Dahuluk Iha PN ho Votu A Favór 37

By Tempo Timor April 27, 2020 3664

font size decrease font size increase font size
Print
Email

Plenaria parlamentu Nasional Foto Isac Oliviera

Tempotimor (Dili)-Bazeia ba pedidu Prezidente Repúblika (PR) Francisco Guterres Lú-Olo nian ba Parlamentu Nasionál (PN) atu PN autoriza hodi PR dekreta estensaun Estadu Rmerjénsia (EE) ba fulan ida tan mak, bankada sira iha PN fó autorizasaun ho votus a favór 37 hodi PR dekreta estensaun estadu emerjénsia ba fulan ida tan. Iha Plenaria Parlamentu Nasional hatudu fahe malu entre bankada sira kona ba estensaun EE nune'e Partidu CNRT kontra proposta refere mas lakon ho partidu sira hanesan KHUNTO, FRETILIN no PLP ne'e fo votus Afavor.

Iha votu nominál ne'e bankada CNRT vota kontra ho diplomasia politika argumenta katak to'o agora povu barak hamlaha ona.

"CNRT ami vota kontra, tanba osan PN aprova ona maibé, governu to'o agora la ezekuta," deklara bankada CNRT nian iha votasaun nominál iha plenária PN, Segunda (27/04)

Entretantu deputadu husi bankada PLP, Khunto, Fretilin aturiza PR hodi dekreta estensaun estadu emerjénsia.

"Ami vota a favór tanba atu fó tempu ba governu hodi prepara aan no prepara rekursu umanu para proteze ita nia povu husi pandemia ida ne'e," deklarasaun bankada ne'ebé autoriza atu PR deklara ba estensaun estadu emerjénsia.

Desizaun ne'ebé PN foti ba dekretu númeru 8/V iha debate ba estensaun estadu emerjénsia ne'e ho vota nominál a favór 37, kontra 23 no abstensaun 4, ida auzente.

Rate this item

(1 Vote)

Last modified on Monday, 27 April 2020 17:59

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com