Login to your account

Username *
Password *
Remember Me

PR Dekreta, 28 Abril Tuku 00.00 Hahú EE Periodu Daruak

Prezidente da Republika, Dr. Francisco Guterres Lu Olo iha podium wainhira fo sai dekretu Prezidente Republika kona ba EE iha fulan Marsu Prezidente da Republika, Dr. Francisco Guterres Lu Olo iha podium wainhira fo sai dekretu Prezidente Republika kona ba EE iha fulan Marsu Foto Midia PR

Tempotimor (Dili)-Prezidente Repúblika Francisco Guterres Lu Olo dekreta ona estadu emerjensia periodu daruak ne'ebé hahú implementa iha 28 Abril tuku 00.00 oras Timor-Leste.

Tuir karta komunikadu ne'ebé www.tempotimor.com asesu husi Kaza Sivil Prezidensia Repúblika informa, PR Lu Olo iha 27 Abril, liu husi Dekretu Prezidensiál númeru 32/2020 promulga estensaun Estadu Emerjénsia durante loron 30, hahú husi oras 00.00 husi 28 Abril 2020 to’o 27 Maiu 2020.

Tuir komunikadu ne'e, estensaun EE sai nu’udar dalan di’ak liu ba prevensaun no kombate Covid-19.

"Deklarasaun Estadu Emerjénsia abranje territóriu nasionál tomak ho fundamentu hadook sidadaun hotu-hotu hela iha Timor-Leste husi kalamidade públika ne’ebé bele mosu husi Covid-19," komunikadu ne'e hakerek.

Komunikadu ne'e hatete, estadu emerjénsia ne’ebé Prezidente Repúblika dekreta iha 27 Marsu,  remata ona iha 26 Abril 2020. 

"Bainhira Prezidente Repúblika deklara estadu emerjénsia, Timor-Leste iha kazu pozitivu Covid-19 ida de’it. Ohin loron, Timor-Leste iha kazu pozitivu iha na’in 22 no rekuperadu na’in 6."

Haree ba númeru kazu ne’ebé aumenta no atu estadu bele iha kbiit liu tán hodi luta hasoru Covid-19, Governu hatama proposta estensaun estadu emerjénsia atu fó protesaun ba saúde públika iha Timor-Leste no iha meius legais atu bele halo intervensaun ho lalais iha prevensaun Covid-19 atu la hadaet ba beibeik no hamate ema barak.

Hafoin simu pedidu husi Governu, iha 22 Abril 2020, Prezidente Repúblika rona hanoin sira husi Konsellu Estadu no Konsellu Superior Defeza no Seguransa, ne’ebé ho unanimidade husu Xefe Estadu hakerek karta ba Parlamentu Nasionál ba estensaun estadu emerjénsia.

"Ohin, 27 Abril, Parlamentu Nasionál aprova karta Prezidente Repúblika ba estensaun estadu emerjénsia ho votus 37 afavor, 23 kontra no 4 abstensaun," karta ne'e informa.

Komunikadu ne'e mós hatutan katak, estadu emerjénsia sei parsialmente suspende direitu, liberdade no garatia balun sidadaun ninian nu’udar dalan di’ak liu ba prevensaun transmisaun Covid-19, liu husi kontrolu sanitáriu iha portu no aeroportu, liberdade ba sirkulasaun, direitu ba reuniaun, manifestasaun no rezisténsia, atividade sosiál no direitu traballadór sei limite atu salva povu nia moris.

Deklarasaun EE sei laiha efeitu ba moris, integridade fízika, kapasidade sivíl no sidadania, la retroativu ba lei penal, defeza ba prosesu kriminal, liberdade ba konsiénsia no relijiaun, la sai sujeitu ba torturasaun, eskravatura, tratamentu kruel, dezumanu, no la diskriminativu.

"Estadu Timor-Leste aprende husi nasaun sira ne’ebé tarde foti medidas preventivas atu kombate Covid-19 ikus mai lori efeitu boot ba nasaun, ema barak mate no kontaminadu. Estensaun ba estadu emerjénsia ne’e nu’udar kontinuasaun husi medidas preventivas ne’ebé foti iha luta hasoru inimigu global," deklara komunikadu ne'e.

 

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter