Print this page

Arão Sadik: "Hatama Proposta Altera Rihun $500 ba PN"

Prezidente Parlamentu Nasional, Arao Noe de Jesus Amaral ko'alia ba Jornalista iha semana kotuk Prezidente Parlamentu Nasional, Arao Noe de Jesus Amaral ko'alia ba Jornalista iha semana kotuk Foto File

Tempotimor (Dili)-Polemika ba osan rihun $500 ne'ebé foti husi orsamentu Covid-19 hodi aloka ba Parlamentu Nasionál halo Prezidente Parlamentu Nasionál Arão Noe "sadik" bankada parlamentar sira atu hatama proposta hodi altera orsamentu refere.

Molok ne'e, deputadu sira iha Parlamentu Nasionál ho votus unanimidade aprova alokasaun orsamentu rihun $500 ba PN.

Maibé, hafoin mosu kritika husi públiku, ikus mai deputadu balun hahú koko "fase" liman no duun todan ba malu.

Ho situasaun ne'e, Prezidente PN Arão husu ba bankada sira hato'o fali proposta hodi kansela orsamentu ne'ebé aloka ba PN.

"Atu klarifika de'it kona-ba orsamentu $500 mill ne'ebé aprova ho rezolusaun númeru 2/2020, se atu altera ou hasai tenke hato'o fali proposta alterasaun no projetu Lei ida par ita hetan klaru," dehan Arão iha plenaria PN, Segunda (27/04).

Tuir Arão, atu rezolve polemika ne'ebé mosu iha públiku no karik PN lakohi gastu osan refere, hatama fali proposta lei ida hodi altera.

"Se parlamentu lakohi gastu osan ne'e, hatama fali proposta Lei ida ita altera tiha, rezolve hotu ona," dehan nia.

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items