Print this page

Taur Husu Povu TL Halo Basa-Liman Kada Tersa Feira Ba Front Line Kontra Covid-19

Primeiru Ministru Taur Matan Ruak taka liman Primeiru Ministru Taur Matan Ruak taka liman Foto Suplai

Tempotimor (Dili) - Primeiru Ministru, Taur Matan Ruak, husu ba povu Timor-Leste tomak atu iha kada loron Tersa, tuku 19:00 atu halo vídeo badak hodi basa-liman nu’udar sinál fó applause ba front line kontra Coronavirus Disease 2019 (Covid-19).

Iha oras 19H00 OTL no sei kontinua kada Tersa-feira oras hanesan mai ita ida-idak iha uma ka iha fatin ne’ebé de’it, fó applause (basa-liman) ba ita-nia front line sira hanesan; médiku, F-FDTL, PNTL, Bombeiru no ema hotu ne’ebé kolabora iha liña oin hodi luta kontra COVID-19”, dehan Xefe Governu iha ninia mensajen ba povu, Tersa (28/4).

Nia dehan, vídeo basa-liman ne’e nu’udar mensajen atu fó korajen no domin ba sira iha momentu ne’e.

Keta haluha ema ida-idak ou família uma-laran bele basa-liman no halo filmajen ka fotografia.sira pois publika iha rede sosiál hanesan; Facebook, Youtube, WhatsApp, Instagram no rede sosiál seluk ho tagar hanesan tuir mai ne’e: #Applaud4timoreseheroes.

Ohin loron tersa, 28 fulan Abril 2020 nu'udar loron dahuluk Timoroan hotu2 basa liman hodi apresia servisu tomak maka ekipa front line COVID 19 halo no sei repete iha kada loron tersa, 19:00 Oras Timor Leste.

 

VIDEO PUBLISIDADE APELLU HUSI PM TAUR

 

Rate this item
(0 votes)
Last modified on Saturday, 09 May 2020 14:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items