KHUNTO Husik AMP Foun, Xanana Hateten Aliadu Sei Keixa Ba TR

Prezidente CNRT, Kay Rala Xanana Gusmao akompana husi Jurista Manuel Tilman hakat ba meza konferensia imprensa iha sede partidu CNRT, iha Bairru dos Grillus Dili (30/4) Prezidente CNRT, Kay Rala Xanana Gusmao akompana husi Jurista Manuel Tilman hakat ba meza konferensia imprensa iha sede partidu CNRT, iha Bairru dos Grillus Dili (30/4) Foto suplai

Tempotimor (Dili) - Relasiona ho deklarasaun Partidu KHUNTO nian ne'ebé sai husi Aliansa Maioria Parlamentár (AMP) foun, maka Partidu CNRT no nia aliadu ne'ebé iha Aliansa Maioria Parlamentár (AMP) foun ofisialmente deklara atu hatama asaun ida ba Tribunál Rekursu.

Iha Meza tuur hamutuk ho ekipa advogado nain rua, iha konferénsia imprensa ne'e Prezidente Partidu CNRT,  Kay Rala Xanana Gusmão hateten, atu hatama asaun ida ba tribunal rekursu maske la hatete klaru maibe dehan sei fahe dokumentus ruma ba jornalista sira.

"Ohin bolu ita boot sira mai, atu fó hatene katak, ita hamutuk ho advogadu, ita atu hatama asaun ida iha Tribunál," dehan nia, iha sede Partidu CNRT, Bairru dos Grilhos, Kinta (30/4).

Prezidente CNRT soe piadas hatutan dehan, CNRT partidu foun, maibé iha responsabilidade ba povu no nasaun.

VIDEO PUBLISIDADE APELU HUSI PM TAUR APLAUS BA FRONT LINE

<iframe width="560" height="315" src="/" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

 

"CNRT partidu ne'ebé foin mosu no la hatene ukun, maibé CNRT buka responde ba nia responsabilidade ba povu no nasaun ne'e," piadas Xanana.

Tuir nia, nasaun Timor-Leste iha ona krize ida ne'ebé hanaran krize instituisionál.

Iha observasaun www.tempotimor.com nian iha terenu nota katak, bainhira Prezidente Partidu CNRT, Kay Rala Xanana Gusmão, sai husi uma laran mai, hahú kedas taka ibun ho lensu kor lalehan ida.

"Ha'u uza de'it lensu hodi taka ibun tan, ha'u-nia osan laiha atu sosa masker," dehan Prezidente CNRT ba partisipante sira.

Iha biban ne'e, liu de'it minutu rua Xanana tama hikas ba nia fatin, hafoin deputada CNRT Fernanda Lay tau masker ho korida iha meza konferénsia imprensa nian. (*)

 

 

Rate this item
(0 votes)
Last modified on Thursday, 30 April 2020 17:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.