Prezidente CNRT Xanana Akuza PR Lu Olo Viola K-RDTL, "Bolu" Tilman Fó Petisaun ba TR

Prezidente CNRT Kay Rala Xanana Gusmao ho Advogado Manuel Tilman hakat ba meza Konferensia da Imprensa iha Sede Partidu Bairru dos Grillus Dili (30/4) Prezidente CNRT Kay Rala Xanana Gusmao ho Advogado Manuel Tilman hakat ba meza Konferensia da Imprensa iha Sede Partidu Bairru dos Grillus Dili (30/4) Foto Tempo Timor

Tempotimor (Dili)-Prezidente partidu CNRT, Kay Rala Xanana Gusmão akuza Prezidente Repúblika Francisco Guterres Lu Olo viola Konstituisaun RDTL (K-RDTL) hahú kedan husi governu daualu moris.

Xanana dehan, PR Lu Olo viola K-RDTL artigu 150 alineia E tanba la prosesa proposta ba nomeiasaun membru governu sira no laiha resposta fundamentu.

"Prezidente viola K-RDTL artigu 150 alineia E, (tribunal) iha kompeténsia par halo fiskalizasaun ba aktu PR ne'ebé ho omisaun (la halo), tanba propostu ba nomeasaun ministru sira mós la halo, no laiha resposta fundamentada," dehan Xanana iha sede CNRT Bairu Grilhos, Kinta (30/04).

VIDEO PUBLISIDADE APELU HUSI PM TAUR APLAUS BA FRONT LINE

<iframe width="560" height="315" src="/" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

 

Iha fatin hanesan, advogadu privadu Manuel Tilman ne'ebé hetan fiar sai advogadu AMP foun husu ba Tribunal Rekursu atu deklara PR kontra konstituisaun artigu 79 pontu 2.

"Husu Tribunal Rekursu mak deklara katak PR viola duni ka lae, tuir prinsipiu konstituisionál tuir artigu 79 pontu 2, ne'ebé iha pontu ida ne'ebé ami husu mak violasaun klaran no gráves pur obrigasoens konstituisionais," dehan Tilman.

Husi dadaus ne'ebé iha, AMP konsidera PR Lu Olo la kumpre K-RDTL, tan ne'e AMP foti advogadu privadu Manuel Tilman hodi aprezenta petisaun ba Tribunal Rekursu atu deklara aktu Prezidente Repúblika nian.

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.