Login to your account

Username *
Password *
Remember Me

Deskonfia Boikota PN, Maioria Deputadu Asina Rekerimentu Destituisaun PPN, ARAO

Tempo Timor (DILI) - Maioria membru Parlamentu Nasional sira husi bankada parlamentár FRETILIN, PLP no KHUNTO ho deputadu nain 33 maka asina no hatama ona pedidu ba Prezidente Parlamentu Nasional atu ajenda votasaun ba destituisaun Prezidente Parlamentu Nasional dadauk ne’e tuir termu Artigu 16-B husi Rejimentu Parlamentu Nasional.

Iha karta pedidu ida ne’ebé deputadu sira husi bankada parlamentar tolu ne’e asina, deputadu sira argumenta katak destituisaun ida ne’e sira hatama tamba sira preokupa ho serbisu sira ne’ebé parlamentu hala’o ho Prezidente Parlamentu atual nia lideransa. 

“Husi kedas inisiu V Lejislatura, parlamentu nasional hatudu ona defisiensia boot ida iha ninia funsionamentu, liuliu kona-ba elaborasaun no aprovasaun lejislasaun importante no nesesariu sira, pur ezemplu hanesan Lei Anti Korupsaun (ne’ebé diskuti ona liu tinan 2 maibé to’o agora seidauk finaliza), no mós sesaun plenaria sira parlamentu nian barak liu mak hala’o sein ajenda no iha deit períodu antes de orden do dia,” deputadu sira argumenta iha sira nia rekerimentu. 

Kestaun hirak ne’e akontese tamba Prezidente Parlamentu Nasional lahatudu ninia kapasidade lideransa ne’ebé presiza atu okupa fatin ba lidera Orgaun Soberania ida ne’e.

VIDEO PUBLISIDADE APELU HUSI PM TAUR APLAUS BA FRONT LINE

 

“Sr. Arão Noe, Prezidente Parlamentu Nasional atual, la komporta nu’udar Prezidente husi Orgaun Soberanu ida ne’e, maibé komporta fali hanesan nia Presidente bankada CNRT, no tamba ne’e nia lakon ami nia komfiansa tan nia demostra falta de solidariedade institusional, espesialmente ho akontesimentu resente wainhira S.E. Prezidente Parlamentu Nasional partisipa iha reuniaun Konsellu de Estadu aprezenta pozisaun no opiniaun ida afavor ba renovasaun, hanesan prezidente husi orgaun ne’ebé ami hotu hola parte, liu deit loron balu iha plenaria parlamentu nasional nian, nia vota kontra tiha ninia pozisaun inisial kona-ba renovasaun Estadu Emerjensia,” deputadu asinante sira hatutan iha komunikadu imprensa ne'ebe fo sai husi bankada FRETILIN, PLP no KHUNTO iha loron Tersa (5/5).

Komunikadu ne'e mos akresenta, iha loron sira ikus ne’e, “ami verifika katak prezidente parlamentu nasional boikota funsionamentu parlamentu nasional nian hodi la konvoka reuniaun liders bankada semana liu ba kotuk, konsekuentemente, Parlamentu Nasional laiha plenaria iha Segunda no Terca (loron-4 no loron-5 fulan-Maiu tinan-2020).”

“Ida ne’e tentativa momós atu paraliza Parlamentu Nasional nia funsionamentu normal no tenta provoka krizi institusional ida atu dudu ba disolusaun orgaun ida ne’e no obriga atu hamosu eleisaun, tuir deklarasaun ne’ebe prezidente CNRT halo tiha ona," hakerek iha komunikadu Imprensa ne'ebe tempo timor simu.

Komunikadu ne'e hateten esplika razaun hirak ne’e, mak deputadu sira, liu husi sira nia karta rekerimentu, husu ba prezidente parlamentu nasional atu ajenda votasaun ba destituisaun ba Prezidente Parlamentu liu husi dalan votasaun sekretu iha sesaun plenaria parlamentu nian.

PUBLISIDADE 

Rate this item
(0 votes)
Last modified on Saturday, 09 May 2020 13:51
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter