'Tauk' Ema Troka, Arão Adia Konferénsia Lider Bankada

Prezidente Parlamentu Nasional, Arao Noe de Jesus Amaral, iha Meza Prezidente Parlamentu Nasional Prezidente Parlamentu Nasional, Arao Noe de Jesus Amaral, iha Meza Prezidente Parlamentu Nasional Foto File

Tempotimor (Dili) - Prezidente Parlamentu Nasional (PN), Arão Noe de Jesus da Costa Amaral, 'tauk' atu ema troka ninia pozisaun. Nune'e, adia ajenda konferénsia lider bankada hodi análiza no prepara resposta ba akuzasaun rekerimentu mosaun destituisaun.


Tuir ajenda ne'ebé prepara ona husi DIPLEN iha Segunda 4 Maiu 2020, Prezidente PN sei  marka konferénsia lider bankada ba loron Kinta, 7 Maiu 2020 (ohin).

Maibé, iha Tersa 5 Maiu 2020 lokraik, deputadu rekerente hamutuk na'in 33 asina no hatama ona rekerimentu ida husu ajenda ba distituisaun Prezidente PN.

VIDEO PUBLISIDADE APELU HUSI PM TAUR APLAUS BA FRONT LINE

 

"Iha rekirimentu ba ajendamentu destituisaun ne'e mensiona no akuza Prezidente Parlamentu Nasionál halo violasaun grave no la kumpre rejimentu Parlamentu Nasional nian ne'ebe afeta ba personalidade Prezidente Parlamentu nian", haktuir komunikadu imprensa Parlamentu Nasionál nian ne'ebe www.tempotimor.con asesu, Kinta (7/5).

Ho razaun ne'e mak Prezidente PN adia konferénsia lider bankada ne'ebé ba ohin no tempu tuir mai, nune'e fó tempu ba Prezidente PN halo analiza no prepara resposta ba akuzasaun ne'ebé iha rekerimentu ne'e.

Antes ne'e, Bankada Partidu FRETILIN, PLP no KHUNTO hafoin hatama ona pedidu mosaun destituisaun ba Prezidente Parlamentu Nasionál, liu husi konferensia ba imprensa deklara katak iha loron hirak ikus ne’e deputadu sira nota Prezidente PN halo boikota ba funsionamentu normál PN. Arão halo ne’e liuhusi la konvoka reuniaun lider bankada iha semana kotuk. (*)

PUBLISIDADE

 

PUBLISIDADE

 

Rate this item
(0 votes)
Last modified on Saturday, 09 May 2020 13:19
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.