Bankada CNRT: Di'ak Liu FRETILIN Forma Koligasaun Foun Duke Buka Etu Sin AMP

Vise Prezidente Bankada CNRT, Patrocino dos Reis Fernandes Vise Prezidente Bankada CNRT, Patrocino dos Reis Fernandes Foto Ofisial

Tempotimor (Dili)-Bankada CNRT iha Parlamentu Nasional konsidera partidu FRETILIN tama husi dapur kotuk hodi fó apoiu ba governu konstitusional daualu ne'ebé lidera husi Primeiru Ministru Taur Matan Ruak.

Tuir Vise Prezidente Bankada CNRT, Patrocino dos Reis Fernandes, di'ak liu FRETILIN forma koligasaun foun hodi forma governu dasia duke fó apoiu ba PM Taur.

"FRETILIN hakarak ba ukun, di'ak liu ba halo koligasaun foun par depois forma nonu governu, agora ne'e FRETILIN laiha dalan hodi tama iha governu AMP nian," dehan iha Parlamentu Nasionál (PN), Sesta (08/05).

Deputadu ne'e dehan, FRETILIN nia apoiu ba governu daualu hanesan buka AMP nia etu-sin.

"FRETILIN tama iha VIII governu konstituisionál hanesan haksoit husi lutu kotuk par tama ema-nia dapur laran hodi buka etu-sin iha dapur laran," dehan Patrocino.

VIDEO PUBLISIDADE APELU HUSI PM TAUR APLAUS BA FRONT LINE

 

Nia dehan, FRETILIN laiha dalan hada'u meza Parlamentu Nasionál, liu husi aprezentasaun mosaun destituisaun.

Kona-ba lista Membru Governu foun ne'ebé PM Taur aprezenta ona ba Prezidente Repúblika (PR) Francisco Guterres Lu Olo hanesan poder inkonstituisional.

"Membru Governu ne'ebé atu hetan pose ne'e hanesan aktu inkonstituisional tanba ita hotu hatene katak iha rezultadu eleisaun ne'e FRETILIN ne'e opozisaun, katak opozisaun, agora dalan iha ne'ebé par nia atu partisipa iha VIII governu ke sasan AMP anteriór ne'e CNRT mak maioria," nia dehan.

Tuir nia, bainhira FRETILIN  forma koligasaun foun hodi forma governu dasia ne'e la problema, maibé bainhira tama iha governu daualu ne'e laiha dalan.

"Mais problema katak, ida ba halo koligasaun katak ida par husu PR dekreta tiha sira-nia koligasaun ne'e par sira forma IX governu ne'e urusan, mais atu tama VIII governu ne'e FRETILIN laiha dalan," dehan nia.

PUBLISIDADE

 

PUBLISIDADE

 

Rate this item
(0 votes)
Last modified on Saturday, 09 May 2020 13:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.