Login to your account

Username *
Password *
Remember Me

Arão Seidauk Prontu Husik Kargu Prezidente PN

Prezidente Parlamentu Nasional, Arão Noé de Jesus da Costa Amaral ko'alia ba Jornalista sira iha parlamentu Nasional Prezidente Parlamentu Nasional, Arão Noé de Jesus da Costa Amaral ko'alia ba Jornalista sira iha parlamentu Nasional Foto File

Tempotimor (Dili) - Bankada FRETILIN, PLP no KHUNTO hatama ona mosaun destituisaun hasoru PPN Arao no rejimentu Parlamentu fó deadline loron 5 ba Prezidente Parlamentu Nasionál atu ajenda debate proposta destituisaun Meza PN. 



Maski nune'e, Prezidente Parlamentu Nasionál (PN), Arão Noé de Jesus da Costa Amaral, seidauk prontu atu ajenda destituisaun troka ninia kargu tanba sei presiza tempu naruk atu halo analiza.

"Ohin ami enkontru hodi halo análiza ba rekerimentu destituisaun ne'ebé tama mai. Tanba ne'e ami sei estuda hela, bainhira tempu to'o ona mak Prezidente Parlamentu sei foti desizaun tuir kompeténsia iha rejimentu Parlamentun Nasionál artigu 17 alinea 1," dehan nia, iha PN, Sesta (8/5).

Nia mós dehan, seidauk determina tempu bainhira tanba sei análiza.

 

Nia dehan, uluk pedidu destituisaun dada tempu naruk laiha problema, tanba ne'e Arão mós hakarak banati tuir ida ne'e.

"Uluk pedidu hela to'o fulan neen (6) mós laiha problema, ne'ebé ida ne'e mós hanesan," dehan nia.

 

VIDEO PUBLISIDADE APELU HUSI PM TAUR APLAUS BA FRONT LINE

g



Nia hatutan, konnforme sira, se rejimentu fó dalan bele halo, laiha buat ida, parlamentu ninia odamatan nakloke hela. Tanba ne'e, sé mak hakarak ba tuur iha meza ne'ebá hodi prezide, bele halo.

"See tuir konstituisaun no lei halo favór halo ba. Prezidente Parlamentu Nasionál sei la haruka ema para hapara," dehan Arão.

Antes ne'e, Bankada Parlamentár FRETILIN, PLP no KHUNTO, iha Tersa (5/5) hatama pedidu hodi troka Meza Parlamentu Nasionál.

Pedidu ne’e hato’o tuir dalan ne’ebé Rejimentu PN, iha Artigu 16-B, kona-ba Destituisaun Prezidente  PN, tanba nu’udar membru parlamentu lakon ona konfiansa ba Arão Noe nu’udar Prezidente PN.

"Ami lakon konfiansa ba Arão Noe tanba husi kedas tempu bainhira V Lejizlatura ne’e hahú, Parlamentu Nasional hatudu iha difisiénsia maka’as iha Parlamentu Nasionál nia funsionamentu", haktuir husi komunikadu ne'ebé www.tempotimor.com asesu.

Difisiénsia ne’e tanba husi tinan-2018 to’o ohin loron, PN seidauk konsege finaliza lei importante no nesesariu sira hanesan Lei Anti Korrupsaun. PN la konsege finaliza Lei importante ne’e liu tinan rua ona, tanba inkapasidade Prezidente PN atu haka’as-aan no lidera hodi garante funsionamentu normál PN.

PUBLISIDADE



Tuir karta ne'e, maioria husi sesaun plenária parlamentu nian hala’o de'it no periódu antes de orden do dia. Tanba PN laiha ajenda propriu ba sesaun plenaria sira husu inkapasidade.

Parlamentu Nasionál nia lala'ok iha tinan rua (2) ikus ne’e hatudu momoos katak Arão Noe laiha kapasidade", dehan iha karta ne'e.

Nune'e, bankada tolu ne'e lakon konfiansa ba Arão, nu’udar Prezidente Parlamentu Nasionál tanba dala barak liu komporta liu fali hanesan Prezidente Bankada CNRT.

Iha loron (27/4), Arão Noe, hatudu momoos karakter ne’e bainhira demonstra ninia falta de sentidu solidariedade institusionál entre órgaun Estadu sira iha plenária PN.

Nu’udar Prezidente PN reprezenta partidu hotu-hotu ne'ebé hetan asentu iha PN, Arão partisipa iha reuniaun Konsellu Estadu ne’ebé Prezidente Repúblika konvoka no apoiu estensaun Estadu Emerjénsia.

Baze ba ne’e maka Prezidente Repúblika husu autorizasaun mai PN atu estende Estadu Emerjénsia. Maski nune’e, iha sesaun plenária PN ba votasaun ba pedidu ne'e Arão vota kontra.

Ne’e hatudu momoos ninia inkonsisténsia no inkoerénsia nu’udar polítiku no nu’udar lider ba órgaun soberanu Estadu nian, no hahalok ne’e tau iha kestaun ninian integridade nu'udar Prezidente PN.

La'ós ne'e de'it, loron hirak ikus ne’e deputadu sira nota Prezidente PN halo boikota ba funsionamentu normál PN. Arão halo ne’e liuhusi la konvoka reuniaun lider bankada iha semana kotuk.

Tanba la konvoka reuniaun lider bankada maka semana ne’e PN laiha sesaun plenária. Mezmu antes ne’e Arão hateten PN kontinua funsiona hodi tulun Governu no Estadu tomak iha situasaun emerjénsia.

Arão nia hahalok ne’e hatudu momoos tentativa atu paraliza PN hodi labele funsiona ho normal. Hahalok no inkapasidade ne’e hatudu mós nia ho nia-partidu tenta atu provoka krize institusionál. (*)

PUBLISIDADE

 
 
Rate this item
(0 votes)
Last modified on Saturday, 09 May 2020 13:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter