PD La Autoriza Meta Mali Apoiu VIII Governu

Sekretariu jeral Partidu Demokratiku no Deputadu Parlamentu Nasional ko'alia ba Jornalista sira iha Parlamentu Nasional (8/5) Sekretariu jeral Partidu Demokratiku no Deputadu Parlamentu Nasional ko'alia ba Jornalista sira iha Parlamentu Nasional (8/5) Foto Tempo Timor

Tempotimor (Dili) - Relasiona ho membru Partidu Demokrátiku (PD), Julio Sarmento Meta Malik, ne'ebé nia naran indijita husi Primeiru Ministru atu prienxe pasta mamuk iha VIII Governu la'ós autorizasaun husi partidu.



Sekretáriu Jerál PD António da Conceição "Kalohan" hateten, membru PD Julio Sarmento Meta Malik la reprezeta PD hodi ba tuur iha VIII Governu.

"La'ós PD mak propoin kandidatu ida iha ne'ebá, maibé Partidu FRETILIN maka propoin kandidatu ba iha ne'ebá, ne'ebé la la'ós kestaun ba PD. Ami lakohi diskute ida ne'e," dehan nia, iha Uma Fukun PN, Sesta (8/5).

VIDEO PUBLISIDADE APELU HUSI PM TAUR APLAUS BA FRONT LINE



"Ba ami ida ne'e la'ós kestaun ba debate, tanba ami sempre konsidera katak, kuandu diskute ne'e relasaun instituisionál, relasaun ema ida ba instituisionál ne'e la'ós sai materia ba diskute," dehan Kalohan.

Nia afirma, instituisonalmente PD la nomeia, tanba ne'e la reprezenta PD, bele individuál maibé individuál ne'e mós dala ruma seidauk individuál husi PD.

Antes ne'e, Primeiru Ministru, Taur Matan Ruak, indijita ona membru governu ne'ebé atu simu pose maka hanesan Ministru Antigu Kombatete (MAK), Julio Sarmento "Meta Malik", Ministra Saúde (MS), Odete Maria Freitas, Vise-Ministra Turizmu Komersiu Industria (VMTKI), Inácia Texeira, Ministru Administrasaun Estatál (MAE), Faustino Cardoso, Ministru Turizmu Komersiu Industria (MTKI), Manuel Vong, Ministru Finansas (MF), Fernando Hanjan. (*)

PUBLISIDADE

 

PUBLISIDADE

 

 

PUBLISIDADE

 

Rate this item
(0 votes)
Last modified on Saturday, 09 May 2020 12:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.