Print this page

Governu Fahe Pulsa Eletrisidade Daruak Ba Povu

MOP, Salvador iha asina akordu ho kompania Telekomunikasaun sira ne'ebe distribui pulsa gratuita husi Governu ba klientes EDTL iha Timor Leste (8/5) MOP, Salvador iha asina akordu ho kompania Telekomunikasaun sira ne'ebe distribui pulsa gratuita husi Governu ba klientes EDTL iha Timor Leste (8/5) Foto Januario Varrela

Tempotimor (Dili) - Governu liuhusi Ministériu Obras Públika (MOP) oferese tan subsídiu pulsa eletrisidade ba kliente sira hotu iha territoriu nasionál durante fulan ida bazeia ba númeru rejistu pre-pagu.



Totál asesu dahuluk hamutuk 160.555 kliente konsege 80% mak hetan subsídiu sira halo mensajen susesu no ba sira ida restu 20% ne'e husi relatoriu tama sei halo avaliasaun katak, sistema kontadór tuan sira ne'ebé seidauk update ka la halo.

"Haree númeru ne'e sira la uza subsídiu, dala ruma kliente balun iha pensamentu katak la presiza hetan subsídiu ne'e", dehan Ministru Salvador, iha edifísiu EDTL, Kaikoli, Sesta (8/5).

VIDEO PUBLISIDADE APELU HUSI PM TAUR APLAUS BA FRONT LINE



Ministru Obras Públika liu-hosi despaxu nú ref.a: 804/MOP/V/2020 kona-ba medida de apoio à população durante o Estado de Emergência no âmbitu da energia elétrica e abastecimento de água. Nune’e, EDTL atribui-tan valór US$15 (ekivalente 125 kWh) ba kada kliente pré-pago ho totál kliente pré-pagu maka 160.555.

Iha segunda faze ne’e, MOP konsidera sei atribuí mós subsidiu pagamentu 50% husi tarefa referente ba konsumidór eletrisidade iha rejime pós-pagu iha períodu atuál Estadu Emerjénsia loron 28 Abríl até 27 Maiu 2020, ho totál kliente pós-pagu maka 1.614.

 PUBLISIDADE 



"Ohin MOP asina nota entendimentu ba daruak ho operadór tolu hanesan Timor Telecom, Telemor no Telkomcel hodi fasilita distribuisaun subsidiu ne'e liuhusi númeru Hotline úniku (12150) hahú loron 8 to'o 27 Maiu, para kada kliente bele haruka SMS ba númeru hotline ne'e no fó sira nia númeru kontadór no autamatikamente, operadór sira ne’e sei haruka TOKEN ekivalente US$15 diretamente ba kada kliente nia telemóvel", tenik nia.

Subsídiu ne'e, Salvador dehan, fó pulsa eletrisidade liuhusi hotline operadór sira ne’e atu kontinua kontribui ba prevensaun Covid-19 atu hada'et ba komunidade, ho maneira lalika mai konsentra sosa pulsa iha fatin sira baibain durante Estadu Emerjénsia nia-laran. (*)

 PUBLISIDADE 

 

 PUBLISIDADE 

 

Rate this item
(0 votes)
Last modified on Saturday, 09 May 2020 12:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items