CNRT buka ona dalan oioin atu “obriga” PR Lu Olo hodi bele fó pose ba ninia membru ne’ebé tama iha lista membru governu pendente, maibé to’o mudansa politika akontese, CNRT nia hakarak ne’e la sai realidade. PR Lu Olo mantein ho ninia desizaun.
VIDEO PUBLISIDADE APELU HUSI PM TAUR APLAUS BA FRONT LINE
Bainhira KHUNTO deklara sai husi koligasaun Aliansa Maioria Parlamentar (AMP) foun hodi fó apoiu ba governu ne’ebé lidera husi Primeiru Ministru Taur Matan Ruak, hamutuk ho FRETILIN no PLP, ikus mai PM Taur ho fiar aan aprezenta lista membru governu foun hodi kompleta estrutura governu ne’ebé durante ne’e nia lidera.
CNRT ne’ebé sente “laran moras” ho desizaun PR Lu Olo pendente sira-nia membru, husu ba PR Lu Olo atu haree didi’ak mós perfil husi membru governu foun ne’ebé PM Taur Matan Ruak aprezenta ona ba PR Lu Olo.
PUBLISIDADE
Hanesan públiku hatene, lista membru governu foun na’in neen ne’ebé PM Taur aprezenta na’in lima reprezenta partidu FRETILIN no na’in ida mai husi Partidu Demokratiku (PD).
Ba kestaun ida ne’e, Vise Prezidente daruak partidu CNRT, Virgilio Smith husu ba PR Lu Olo atu tenke mós haree didi'ak perfil husi membru governu foun husi partidu FRETILIN.
"Agora ita mós hein, oinsá mak Primeiru Ministru no Prezidente Republika sei haree mós ba kestaun perfil husi ema sira iha lista, tantu FRETILIN no KHUNTO nian, ne'ebé atu halo parte iha governu foun ne'e," dehan Smith iha sede partidu CNRT, Bairu dos Grillus, Segunda (11/05).
PUBLISIDADE
