"Prosedimentu sira loos no aprova hotu ona, subsídiu sira ne'e atu haruka husi mekanizmu oinsá mos loos hotu ona, naran no konta bankária mos ami simu hotu ona, maibé tenki haree fila-fali, tanba balun fila ona mai Timor mos naran sei iha nafatin," dehan Nia hafoin reuniaun Konsellu Ministru iha Ministériu Finansas Aitarak Laran, Kuarta (13/5).
VIDEO PUBLISIDADE APELU HUSI PM TAUR APLAUS BA FRONT LINE
Nia afirma, subsídiu ba estudante naun bolseiru no sira seluk ne'ebé tama iha aprovasaun husi Ministru ne'ebé hetan aprovasaun husi Konsellu Ministru, tan ne'e sei ba Lei númeru 2/2020 ne'ebé Governu liu husi Konsellu Jestaun aprova ona no sei falta de'it mak prosedimentu kona-bá elementu sira ne'ebé tenki kumpri.
Governante ne'e afirma, presiza verifikasaun ba dadus sira ho kuidadu, tanba sei iha konsekuénsia ne'ebé todan wainhira iha implementasaun laloos.
PUBLISIDADE
"Lista Primeira faze nian por Volta 2000 pesoas, no agora naran sira tama tan ne'e sei hein ba segundu faze nian," tenik Nia
Deonísio afirma, kustu vida estudante naun bolseiru sira nian iha kada nasaun la hanesan sira ne'ebé hela iha Europa labele hanesan ho sira ne'ebé hela iha Ázia hanesan Indonézia, Filipina no Austrália.
"Konsellu Ministru aprova ona no lista mos iha ona, depois mak ha'u sei haree no fó hatene ba imi," Nia Hakotu.
PUBLISIDADE