“Ita ohin loron la rona ema seluk nia naran, ita rona mak maun Xanana, Taur, no Lu Olo, sira ne’e se. sira ne’e mesak maun alin de’it. Tanba sa mak timoroasn sira seluk ne’e hakarak atu hatama kanuru tohar iha ne’eba. Sira na’in tolu nia problema, ami sei tuur hamutuk, ami mak sei resolve”,Lere hateten lia hirak ne’e, hafoin hasorumalu ho Prezidente Repúblika Francisco Guterres Lu Olo, iha Palasiu prezidensiál, Aitarak laran, Dili.
VIDEO PUBLISIDADE APELU HUSI PM TAUR APLAUS BA FRONT LINE
Lere ko’alia ho lian makaas hodi fó atensaun ba polítiku sira husi kualkér partidu polítiku, atu labele soran tan, no lalika lansa tan boatus oioin, hodi sobu lider nasionál sira, no destrui nasaun.
“Politiku sira lalika ko’alia barbarak, lalika soran tun sa’e, no lalika lansa boatus oioin, tanba nasaun ne’e hari ho ran no ruin”, nia apela.
Vetaranu ne’e mós apela ba veteranu sira iha territóriu tomak, atu mantein unidade, tanba situasaun politika rai laran ne’e, agora konfuzaun boot.
“Ha’u apela ba maluk veteransu sira, sira ne’ebé mak hanesan rezisténsia ninia ema tomak, atu vizilánsia. Atu matan moos, tilun moos, tanba ema ne’ebé mak la gosta ita, ne’e la gosta ita nafatin. Hakarak sobu ita nia unidade. Ne’e dezde uluk funu laran, too agora. Sira ninia planu mak halo oinsá sobu, liu-liu lideransa ne’e. Ezemplu sira kria impase polítika ne’ebé maka agora la’o daudaun ne’e”, Lere apela tan.
Entretantu, Timor Leste moris iha inserteza politika desde tinan 2017 to’o ohin loron, seidauk hetan solusaun.
PUBLISIDADE
PUBLISIDADE