Login to your account

Username *
Password *
Remember Me

Bankada FRETILIN: Desizaun Ikus iha PR Lu Olo Nia Liman

Xefe Bankada FRETILIN, Aniceto Guterres ko'alia ba Jornalista sira iha resintu Parlamentu Nasional Xefe Bankada FRETILIN, Aniceto Guterres ko'alia ba Jornalista sira iha resintu Parlamentu Nasional Foto Arkivu

Tempotimor (Dili)-Bankada FRETILIN iha Parlamentu Nasionál (PN) deklara, desizaun atu dezolve Parlamentu Nasionál (PN) nu’udar kompetensia preorogativu Prezidente Repúblika Francisco Guterres Lu Olo.

Durante ne’e mosu ezijensia husi parte CNRT ho nia aliadu sira, no Prezidente PN Arao Noe rasik, husu ba PR Lu Olo atu dezolve PN hodi hakat ba Eleisaun Antesipada (EA).

Ba kestaun ne’e, Prezidente Bankada FRETILIN, Aniceto Guterres hatete, desizaun atu dezolve ka la dezolve PN ne’e depende ba PR Lu Olo.

 

VIDEO PUBLISIDADE APELU HUSI PM TAUR APLAUS BA FRONT LINE

 

 

"Inplementa ka lae, ne'e desizaun ikus Prezidente Repúblika, Prezidente Repúblika iha preorogativu atu dezolve ka lae Parlamentu Nasional," dehan Aniceito ba www.tempotimor.com iha Parlamentu Nasional, Kinta (15/05).

Ba ezijensia Arao, Prezidente Bankada FRETILIN ne’e dehan, laiha baze tanba CNRT nia asaun ba Tribunal Rekursu mós indefere ona.

"Sira kestiona mais tribunal indefere tiha ona ne'e. Ne'e hanesan buat mamuk ida ke loos ka sala mós tribunal dehan laiha dalan," dehan nia.

 

PUBLISIDADE

 

Molok ne’e, Prezidente PN Arão hatete, Orsamentu Jeral Estadu 2020 xumba iha PN liu ona prazu loron 60, sura hahú husi 17 Janeiru 2020 to’o 17 Marsu 2020, tan ne’e tempu to’o ona atu PR Lu Olo aplika artigu 86 Konstituisaun RDTL alinea ‘f’ hodi dezolve PN.

"Konstituisaun -RDTL Artigu 86 kona-ba kompetensia Prezidente Repúblika nian katak hakotu ka dizolve Parlamentu Nasional, iha kazu krize boot institusional nian ne'ebe labele iha formasaun governu ka aprovasaun orsamental jeral estadu nian, iha tempu naruk liu loron 60, bainhira rona tiha ona partidu politiku sira ne’ebe amenta Konselu Estadu," dehan nia.

 

PUBLISIDADE

Rate this item
(1 Vote)
Last modified on Thursday, 14 May 2020 14:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter