Login to your account

Username *
Password *
Remember Me

PLP: Kuidadu Hakat PPN Arão..,!

Vise Xefe Bankada PLP, Francisco Vasconcelhos ko'alia ba jornalista iha resintu Parlamentu Nasional (14/5) Vise Xefe Bankada PLP, Francisco Vasconcelhos ko'alia ba jornalista iha resintu Parlamentu Nasional (14/5) Foto Tempo Timor

Tempotimor (Dili)-Deputadu Partidu Libertasaun Popular (PLP) Fransisco Vasconcelhos husu ba Prezidente Parlamentu Nasional Arão Noe de Jesus da Costa Amaral atu kuidadu tanba halo ona interpretasaun ne’ebé sala no viola ona rejimentu PN.

Tuir Vasconcelhos, Prezidente PN la komprende regras tanba interfere Prezidente Repúblika Francisco Guterres Lu Olo.

"Prezidente Parlamentu Nasional la komprende regras, labele interfere Prezidente Republika, tanba disolusaun ba Parlamentu Nasional ne'e kompetensia konstitusionla Prezidente Republika nian," dehan nia iha resintu Parlamentu Nasional, Kinta (14/05).

Nia hatutan, Prezidente PN nia knar atu asegura funsionamentu PN no atividade tenke la’o nafatin.

 

VIDEO PUBLISIDADE APELU HUSI PM TAUR APLAUS BA FRONT LINE

 

 

"Agora Prezidente Parlamentu sala tiha ona, tanba rezolusaun Estadu Emerjensia nian iha artigu 6 katak, oragun haat ne'e tenke funsiona nafatin no iha konstituisaun Republika hatete iha periodu Estadu Emerjensia Prezidente Republika labele dezolve parlamentu nasional."

Maibé ho deklarasaun Arão, Deputadu PLP ne'e konsidera Prezidente PN ne’e la komprende ona konstituisaun republika.

"Konferensia imprensa Prezidente Parlamentu nian ohin ne'e hatudu momoos katak, la komprende konstituisaun Republika tanba husu fali Prezidente Republika atu dizolve Parlamentu Nasional iha periodu Estadu Emerjensia," dehan nia.

Tuir nia, Prezidente PN laiha resposta ba destituisaun bankada FRETILIN, PLP, KHUNTO nu’udar aktu krime abuzu poder.

"La konsidera ami-nia pedidu destituisaun ne'e krime abuzu poder, maibé ita sei haree par rezolve laiha problema, kuandu Prezidente Parlamentu la tau ba ajenda liu tiha ona loron prazu ne'ebé iha rejimentu ne'e katak Prezidente Parlamentu sala no ne'e hatudu katak abuzu poder, lalika halo tun-sa’e di’ak liu mai par organiza marka ajenda ita rezolve, problema agora iha ne'e deputadu maioria absoluta ne'e ita atu halo tan saida," dehan nia.

PUBLISIDADE

 

Pedidu rekerimentu atu autoriza Vise Prezidente Parlamentu ne'e, tanba PN la halo ajenda ba pedidu distituisaun liu ona prazu loron lima.

"Aumenta tan Prezidente Parlamentu la hatene tan rejimentu, ohin halo tiha komunikadu imprensa, nia la komprende konstituisaun, agora mai ko'alia tan rekerimentu."

Nia esplika, rekerimentu ba Vise Prezidente PN tanba pedidiu rekerimentu rua tutuir malu iha 5 Maiu 2020 atu halo ajenda obrigatoriu ba pedidu destituisaun durante Loron lima nia laran.

"Liu tiha ona loron lima entaun ami haruka tan rekerimentu ida husu vise Prezidente Parlamentu na’in rua lidera aplika artigu 22 pontu um rejimentu Parlamentu Nasional nian."

Nia esplika, iha rejimentu hatete bainhira vise Prezidente PN na’in rua iha preokupasaun hanesan hotu Prezidente PN, entaun deputadu ne'ebé mak idade boot liu iha Parlamentu bele lidera plenaria.

 

PUBLISIDADE

Rate this item
(0 votes)
Last modified on Thursday, 14 May 2020 23:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter