Login to your account

Username *
Password *
Remember Me

Karta Xanana ba PR Lú Olo: “Koalia Netik Buat Ruma ba Ami”

Portavoz AMP Foun, Antonio da Conceicao Kalohan entrega karta ba ofisiais Prezidensia da republika iha Palasiu Prezidensial (15/5) Portavoz AMP Foun, Antonio da Conceicao Kalohan entrega karta ba ofisiais Prezidensia da republika iha Palasiu Prezidensial (15/5) Foto Suplai

Tempo Timor (Dili)-Prezidente Partidu Congresso Nacional da Reconstrução de Timor (CNRT) Kay Rala Xanana Gusmão, fó orientasaun ba portavoz koligasaun AMP foun António da Conçeição ‘Kalohan’ atu hatama karta foun ida ba Prezidente Repúblika Francisco Guterres Lu Olo hodi husu pronunsiamentu ba destinu koligasaun foun ne’e.

Atual Sekretariu Jeral PD ne’e informa, nia hetan orientasaun husi Xanana atu hatama tan karta ida ba PR Lu Olo hodi husu PR atu pronunsia ba koligasaun foun ne’ebé forma husi CNRT, PD, UDT, FM, no PUDD.

“Ohin, bazeia ba orientasaun prezidente koligasaun (Xanana) no ha’u hanesan portavós ba entrega fali karta ida Prezidente Repúbika. Konteúdu karta husu de’it Prezidente Repúblika bele ko’alia netik buat ruma ka halo netik pronunsiamentu ba koligasaun foun ne’e, bele mós eskritu no bele mó  verbál ba ami, nune’e koligasaun ida uluk bele hatene loloos katak koligasaun ne’e sei iha ka laiha ona,” dehan nia liu husi Konferénsia Imprensa, iha sala Bankada PD, Parlamentu Nasionál, Sesta (15/05).

VIDEO PUBLISIDADE APELU HUSI PM TAUR APLAUS BA FRONT LINE

 

 

Liu husi karta ne’e, Portavós ne’e hatete, sira informa mós ba PR Lu Olo kona-ba desizaun husi KHUNTO ne’ebé dada an husi koligasaun AMP foun.

 “Nune’e Prezidente Repúblika hatene katak KHUNTO hasees aan husi koligasaun ne’e maibé rekezitu ne’ebé husu ami kompleta hotu ona kona-ba artigu 9 lei partidu polítiku nian.”

Iha karta ne’e, nia hatutan, informa mós ba PR Lu Olo katak KHUNTO apoia nafatin Governu Konstitusionál daulau no koligasaun ne’ebé lidera husi CNRT laiha problema ho pozisaun KHUNTO nian.

“Maibé koligasaun fó hanoin katak, sé ba Governu dasia ne’e tuir lei partidu polítiku ne’e labele halo koligasaun dala-rua, se karik KHUNTO sai ona hodi mantein iha Governu daualu entaun koligasaun laiha problema ho ida ne’e, signifika koligasaun ida eziste ba Governu dasia KHUNTO sei mantein hela iha laran, ba Governu dasia ninian, maibé ba Governu daualu nian mak KHUNTO sees tanba hakarak apoia,” Kaloha esplika.

PUBLISIDADE

 

Tuir nia, koligasaun foun ne’ebé lidera husi CNRT hein nafatin pronunsiamentu husi xefe estadu nune’e partidu polítiku sira iha koligasaun refere bele foti desizaun ba konfigurasaun polítika atuál.

Kona-ba pozisaun KHUNTO nian, Kalohan afirma, politikamente bele, maibé juridikamente seidauk bele tanba Prezidente no Sekretariu Jeral KHUNTO mesak labele haruka mesak karta retira husi AMP foun.

“Prezidente KHUNTO, Armanda Berta dos Santos ho ninia Sekretáriu Jerál mesak labele haruka surat cinta ida hodi fó hatene ba prezidente koligasaun, Kay Rala Xanana Gusmão hodi dehan “ami (KHUNTO) sees ona”.

Tanba, tuir nia, prosesu atu integra ba koligasaun ida partidu polítika sira tenke realiza liu husi konferénsia ka kongresu ruma.

 

PUBLISIDADE

 

Rate this item
(0 votes)
Last modified on Friday, 15 May 2020 15:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter