"Povu Timor Leste iha teritóriu tomak ne’ebe ha'u serví no hana’i, ohin ha'u PPN hakarak informa ba públiku kona-ba tentativa hadau Prezidente Parlamentu nia poder ne’ebé halo husi Vise PPN Deputada Maria Angelina Lopes Sarmento," dehan PPN Arão Noé de Jesus da Costa iha nia fatin salaun PPN, Segunda (18/05).
VIDEO PUBLISIDADE APELU HUSI PM TAUR APLAUS BA FRONT LINE
Tuir PPN katak aktu sira ne’ebé vise PPN halo ne'e nudar tentativa hadau poder.
Tuir Arão katak rekerimentu destituisaun ba meza PN ne'ebé bankada Fretilin-PLP no Khunto aprezenta ne'e viola Konstituisaun RDTL artigu 99 alinea 3.
"Iha Ioron 13 maiu 2020, Bankada Fretilin, PLP, no Khunto dirije rekerimentu distituisaun PPN ba fali Vise PPN, aktu ida ne’e viola K-RDTL artigu 99 (3), rejimentu PN artigu 17 kona-ba kompeténsia PPN nian," nia dehan
Tuir nia, vise PPN Maria Angelina nia aktu ne'e viola K-RDTL inklui Kodigu Penal.
"Konstituisaun RDTL artigu 99 (3) ne'ebé hateten momos katak PN reuni ordinariamente tuir konvokasaun PN nian. Tanba ne’e Vise PN Maria Angelina Lopes Sarmento nia aktu sira ne’e viola K-RDTL, LOFAP, Kodigu Penal, Rejimentu PN inklui Lei Organizasaun Funsionamentu Administrasaun Parlamentár (LOFAP).
Iha deklarasaun ne'e mós PPN afirma, atu realiza plenária ba destituisaun meza PN, vise PPN Maria Angelina halo ameasa ba Diplen no Sekretária PN para halo ajendamentu, maibé husi parte Diplen no Sekretária PN la tuir ameasa ne'ebé vise PPN halo.
"Vise PPN Maria Angelina Lopes Sarmento Obriga Xefe Divizaun Apoiu Plenaria ka DIPLEN, Sr. Quintiliano Ase atu ajenda no viola Rejimentu Pn artigu 22 kona-ba kompetensia vise PPN nian. Vise PPN so bele ezerse PPN nia funsaun bainhira hetan delegasaun kompetensia husi PPN tuir rejimentu artigu 22 númeru 3, nune'e tuir prosedimentu normal iha PN, PPN maka iha kompetensia atu konvoka konferensia no ideres bankada hodi aprova ajenda ba plenária," dehan Arão.
PUBLISIDADE
Deputadu CNRT ne'e akresenta, vise PPN nia ameasa ka obriga ba Diplen ne'e la konsege, maka vise PPN obriga fali Sekretária PN atu halo ajendamentu ba plenária ba destituisaun meza PN nian.
"Tanba la konsege obriga DIPLEN, Vise PN Maria Angelina Lopes Sarmento halo despaixu ba Sekretariu Jerál atu ajenda plenária ba loron 18 Maiu 2020. Maibé Sekretariu Jeral PN devolve despaixu husi Vise PPN tanba konsidera despaixu refere kontra LOFAP Artigu 7. LOFAP Artigu 7 hateten katak tenke iha delegasaun kompetensia husi Prezidente ba Vise Prezidente Parlamentu por eskrita antes Vise Prezidente bele toma funsaun Prezidente Parlamentu nian," dehan Arão.
PUBLISIDADE